“Barselona” klubi “Tottenhem” yarim himoyachisi Tangi Ndombele xizmatlariga qiziqish bildirmoqda.
Sky Sports nashrining xabar qilishicha, “Barselona” koronavirus pandemiyasi sabab yuzaga kelgan inqiroz sabab kelishuvga o‘z futbolchilarini qo‘shish niyatida. Ta’kidlanishicha, “Barselona” Ndombele uchun himoyachilar Samyuel Umtiti va Nelson Semeduni berishga tayyor.
Londonliklar bosh murabbiyi Joze Mourinyo yuqoridagi futbolchilarni o‘z jamoasida ko‘rishni xohlash yoki xohlamasligi noma’lum.
Avvalroq “Tottenhem” katalon klubi yarim himoyachisi Arturga qiziqish bildirayotgani xabar qilingandi.
Joriy mavsum 23 yoshli futbolchi “shporlar” safida Premyer Liganing 19 o‘yinida maydonga tushib, ikkitadan gol va golli uzatmaga muallif bo‘lgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)