Transfermarkt портали Европанинг кучли ўнлик чемпионатларида ҳаракат қилувчи ўз клубига содиқ футболчилар рейтингини эълон қилди.
Рўйхатнинг биринчи поғонасидан Москванинг ЦСКА клуби дарвозабони Игор Акинфеев ўрин олди. 34 ёшли посбон «армиячилар» сафида 17 йил, 13 ой-у 23 кундан буён ҳаракат қилиб келади. Иккинчи ўринни «Сент-Этен» ҳимоячиси Лоик Перрен (16 йил, 9 ой-у 24 кун) эгаллаган бўлса, «Барселона» ҳужумчиси Лионель Месси кучли учликка якун ясади. Аргентиналик футболчи «кўк-анорранглилар» сафида 16 йил, 3 ой-у 23 кундан буён тўп суради.
Шунингдек, кучли ўнликдан «Ювентус» ҳимоячиси Жоржио Кьеллини, «Реал» ҳимоячилари Серхио Рамос ва Марсело ҳам ўрин олган.
- Игор Акинфеев (ЦСКА, 17 йил, 3 ой, 23 кун)
- Лоик Перрен («Сент-Этен», 16 йил, 9 ой 24 кун)
- Лионель Месси («Барселона», 16 йил, 3 ой, 23 кун)
- Франческо Маньянелли («Сассуоло», 14 йил, 9 ой, 24 кун)
- Жоржио Кьеллини («Ювентус», 14 йил, 9 ой, 24 кун)
- Серхио Рамос («Реал», 14 йил, 7 ой, 24 кун)
- Семми Боссут («Зюлте-Варегем», 13 йил, 9 ой, 24 кун)
- Бруно Сориано («Вильярреал», 13 йил, 9 ой, 24 кун)
- Хави Лопес («Эспаньол», 13 йил, 9 ой, 22 кун)
- Марсело («Реал», 13 йил, 3 ой, 23 кун)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)