UEFA tashkiloti 2021-yilga qoldirilgan Yevropa Chempionati borasida ma’lumot berdi.
Tashkilot qaroriga ko‘ra, musobaqa koronavirus pandemiyasi sabab 2021-yilga qoldirilgan bo‘lsa ham, uning nomi “Yevro—2020” bo‘lib qoladi.
Shu tariqa UEFA musobaqa tartibini saqlab qolmoqchi va uning 60-yilligini nishonlash niyatida (1960—2020-yillar). Shuningdek, ushbu nom Yevropa futboli 2020-yilda qanday qiyin onlarni boshdan kechirganini eslatib turadi.
Yevropa Chempionati 2020-yilda mintaqaning 12 shahrida 12-iyundan 12-iyulga qadar o‘tkazilishi kerak edi. Mart oyi o‘rtalarida musobaqa 2021-yilga qoldirilgani ma’lum qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)