Oy va Marsga uchishi kerak bo‘lgan SpaceX raketasining sinovi yana bir bor muvaffaqiyatsiz yakunlandi (video)

SpaceX kompaniyasi Starship raketa prototipining ikkinchi bosqich sinovlarini o‘tkazdi. Sinov muvaffaqiyatsiz yakunlangan. Bu olti oydan buyon o‘tkazilgan uchinchi omadsiz test hisoblanadi, deb xabar berdi The Verge.

Ikki bosqich yoqilg‘i baklaridan biriga suyuq azot quyilayotgan vaqtda raketa buzilib ketgan. Bak deformatsiyaga uchrab, uzilib tushgan. Shundan so‘ng raketaning o‘zi ham vayron bo‘lgan.

Ilon Maskning so‘zlariga ko‘ra, SpaceX ko‘ngilsiz hodisa tafsilotlarini o‘rganmoqda. Sinov hisob-kitoblari noto‘g‘ri bo‘lgani sabab vaziyat shunday tus olgan bo‘lishi mumkin.

Eslatib o‘tamiz, 2019-yilning dekabrida Ilon Mask Marsga parvozlar uchun mo‘ljallangan raketani tez orada ishga tushirishga va’da bergan edi.