Oliy va o‘rta maxsus ta’lim vazirligi axborot xizmati rahbari Farhod Babashev 22-aprel kuni AOKAda bo‘lib o‘tgan brifingda hozirgi kunda platformaning texnik holati bo‘yicha barcha muammolar bartaraf etilganini ma’lum qildi.
Farhod Babashevning xabar berishicha, barcha oliy ta’lim muassasalarining (OTM) masofaviy o‘qitish platformasiga (https://dist.edu.uz/) kuniga 50 mingdan ortiq murojaat bo‘layotgani, platformaning real vaqt rejimidagi yuklamasi ortishiga olib kelmoqda.
“Ushbu muammoni bartaraf etish maqsadida platforma joylashtirilgan server qurilmalarining texnik imkoniyatlari kengaytirildi va internet tezligi ikki barobarga oshirildi. Hozirgi kunda platformaning texnik holati bo‘yicha barcha muammolar bartaraf etildi”, — dedi Babashev.
Uning qo‘shimcha qilishicha, talabalarning bir qismi respublikaning chekka hududlarida yashashlaridan kelib chiqib, platformadan foydalanish joylardagi simli va mobil internet tezligiga ham bog‘liq bo‘lib qolmoqda.
Izoh (0)