Олий ва ўрта махсус таълим вазирлиги ахборот хизмати раҳбари Фарҳод Бабашев 22 апрель куни АОКАда бўлиб ўтган брифингда ҳозирги кунда платформанинг техник ҳолати бўйича барча муаммолар бартараф этилганини маълум қилди.
Фарҳод Бабашевнинг хабар беришича, барча олий таълим муассасаларининг (ОТМ) масофавий ўқитиш платформасига (https://dist.edu.uz/) кунига 50 мингдан ортиқ мурожаат бўлаётгани, платформанинг реал вақт режимидаги юкламаси ортишига олиб келмоқда.
«Ушбу муаммони бартараф этиш мақсадида платформа жойлаштирилган сервер қурилмаларининг техник имкониятлари кенгайтирилди ва интернет тезлиги икки баробарга оширилди. Ҳозирги кунда платформанинг техник ҳолати бўйича барча муаммолар бартараф этилди», — деди Бабашев.
Унинг қўшимча қилишича, талабаларнинг бир қисми республиканинг чекка ҳудудларида яшашларидан келиб чиқиб, платформадан фойдаланиш жойлардаги симли ва мобил интернет тезлигига ҳам боғлиқ бўлиб қолмоқда.
Изоҳ (0)