Jahon sog‘liqni saqlab tashkiloti (JSST) UEFAga 2021-yilning oxirigacha mo‘ljallangan barcha xalqaro musobaqalarni bekor qilishni tavsiya qildi.
Ta’kidlanishicha, mazkur tavsiya UEFA va Yevropaning yetakchi klublari ishtirokida o‘tgan 16-aprel kungi videokonferensiyada yangragan. Bir soatga mo‘ljallangan majlis ikki yarim soat davom etgandi.
JSST nomidan ikki nafar epidemiolog ma’ruza qilgan va unda xalqaro musobaqalarni o‘tkazmaslik maslahati berilgan. Mutaxassislar fikriga ko‘ra, 2021-yilda koronavirus infeksiyasining ikkinchi to‘lqini yuz berishi ehtimoli mavjud, aynan shu sabab JSST futbol musobaqalaridan voz kechishni foydali deb hisoblamoqda.
Aytilishicha, muhokama vaqtida tomonlar bir to‘xtamga kela olmagan. JSST UEFA va taqvimga yuridik tomondan aralasha olmaydi, shunday ekan, futbol rahbariyati tashkilotning maslahati bo‘yicha ish tutishga majbur emas. Undan tashqari, JSSTning tavsiyasi ichki chempionatlarga aloqadorligi noma’lum.
21-aprel kuni UEFA ligalarda mavsumni tugatib qo‘yish borasida qat’iy tavsiya bergandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)