Жаҳон соғлиқни сақлаб ташкилоти (ЖССТ) УЕФАга 2021 йилнинг охиригача мўлжалланган барча халқаро мусобақаларни бекор қилишни тавсия қилди.
Таъкидланишича, мазкур тавсия УЕФА ва Европанинг етакчи клублари иштирокида ўтган 16 апрель кунги видеоконференцияда янграган. Бир соатга мўлжалланган мажлис икки ярим соат давом этганди.
ЖССТ номидан икки нафар эпидемиолог маъруза қилган ва унда халқаро мусобақаларни ўтказмаслик маслаҳати берилган. Мутахассислар фикрига кўра, 2021 йилда коронавирус инфекциясининг иккинчи тўлқини юз бериши эҳтимоли мавжуд, айнан шу сабаб ЖССТ футбол мусобақаларидан воз кечишни фойдали деб ҳисобламоқда.
Айтилишича, муҳокама вақтида томонлар бир тўхтамга кела олмаган. ЖССТ УЕФА ва тақвимга юридик томондан аралаша олмайди, шундай экан, футбол раҳбарияти ташкилотнинг маслаҳати бўйича иш тутишга мажбур эмас. Ундан ташқари, ЖССТнинг тавсияси ички чемпионатларга алоқадорлиги номаълум.
21 апрель куни УЕФА лигаларда мавсумни тугатиб қўйиш борасида қатъий тавсия берганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)