DSQ mart oyi yakuni bilan karantin budjet tushumlariga ta’sir qilmaganini ma’lum qildi

Joriy yilning 16-martidan boshlab respublikamizda koronavirus pandemiyasi munosabati bilan karantin e’lon qilingan bo‘lsa-da, mart oyi yakuni bilan budjet tushumlariga ta’sir qilmadi. Bu haqda, 18-aprel kuni AOKAda bo‘lib o‘tgan brifingda Davlat soliq qo‘mitasi boshqarma boshlig‘i o‘rinbosari Muzaffar Yunus Nazarov aytib o‘tdi.

Muzaffar Yunus Nazarovning ta’kidlashicha, jismoniy shaxslarning mol-mulk va yer soliqlari bo‘yicha to‘lov muddati 15-oktabrga ko‘chirilgani, yakka tartibdagi 195 mingga yaqin tadbirkorlar faoliyatini vaqtincha to‘xtatishga majbur bo‘lgan.

“Karantin normalariga rioya etib, uchastka soliq inspektorlarini xonadonlarga va fuqarolarning harakatlarini cheklanishi natijasi bilan jismoniy shaxslarning mol-mulk va yer soliqlaridan tushumlar 3 barobarga pasaygan (130 milliard so‘mdan 40 milliard so‘mga tushgan). Lekin to‘lov muddati uzaytirilgan bo‘lsa-da, ‘Karantin vaqtida men soliqlarimni to‘ladim’ chellenjiga qo‘shilib, fuqarolarimiz 40 milliard so‘mlik soliqlarini uyida o‘tirib, interaktiv tarzda to‘lab berdi”, — deydi qo‘mita vakili.Uning qo‘shimcha qilishicha, yakka tartibdagi tadbirkorlarning qat’iy belgilangan solig‘i bo‘yicha tushumlar ham 84 foizga kamaygan. Tabiiyki, ularning 80 foizdan ortig‘i faoliyatini to‘xtatishga majbur bo‘lgan.