ДСҚ март ойи якуни билан карантин бюджет тушумларига таъсир қилмаганини маълум қилди

Жорий йилнинг 16 мартидан бошлаб республикамизда коронавирус пандемияси муносабати билан карантин эълон қилинган бўлса-да, март ойи якуни билан бюджет тушумларига таъсир қилмади. Бу ҳақда, 18 апрель куни АОКАда бўлиб ўтган брифингда Давлат солиқ қўмитаси бошқарма бошлиғи ўринбосари Музаффар Юнус Назаров айтиб ўтди.

Музаффар Юнус Назаровнинг таъкидлашича, жисмоний шахсларнинг мол-мулк ва ер солиқлари бўйича тўлов муддати 15 октябрга кўчирилгани, якка тартибдаги 195 мингга яқин тадбиркорлар фаолиятини вақтинча тўхтатишга мажбур бўлган.

«Карантин нормаларига риоя этиб, участка солиқ инспекторларини хонадонларга ва фуқароларнинг ҳаракатларини чекланиши натижаси билан жисмоний шахсларнинг мол-мулк ва ер солиқларидан тушумлар 3 баробарга пасайган (130 миллиард сўмдан 40 миллиард сўмга тушган). Лекин тўлов муддати узайтирилган бўлса-да, ‘Карантин вақтида мен солиқларимни тўладим’ челленжига қўшилиб, фуқароларимиз 40 миллиард сўмлик солиқларини уйида ўтириб, интерактив тарзда тўлаб берди», — дейди қўмита вакили.Унинг қўшимча қилишича, якка тартибдаги тадбиркорларнинг қатъий белгиланган солиғи бўйича тушумлар ҳам 84 фоизга камайган. Табиийки, уларнинг 80 фоиздан ортиғи фаолиятини тўхтатишга мажбур бўлган.