Avval xabar berganimizdek, 19-aprel, yakshanba kuni, AOKA shtabida ichki ishlar vaziri matbuot kotibi Shohrux G‘iyosov ishtirokida bo‘lib o‘tgan brifingda muhim savol va murojaatlar yuzasidan tegishli izoh va javoblar berildi.
Jumladan, matbuot kotibi tibbiyot muassasasiga borish bilan bog‘liq berilgan savollarga javob qaytarar ekan, surunkali kasalligi bor bemorlar stikersiz shaxsiy avtomobil yoki boshqa transportda harakatlanganda shifokorning yo‘llanmasi yoki ma’lumotnomasi bo‘lishi lozimligini aytdi. Huquq-tartibot xodimlari so‘raganda aynan ushbu hujjatlar taqdim etilishi kerak.
Mavzuga doir: Stikersiz harakatlanishi mumkin bo‘lgan avtotransport haydovchilarining qanday hujjatlari bo‘lishi lozimligi aytildi
“Haqiqatan ham onangiz tibbiyot maskanida davolanayotganligi to‘g‘risidagi ma’lumotnoma va tibbiyot xodimlari tomonidan tavsiya etilgan dori-darmonlar uchun yo‘llanma (retsept) mavjud bo‘lgan taqdirda siz shaxsiy avtotransportingizdan foydalanishingiz mumkin”.
Mavzuga doir: IIV matbuot kotibi: “Xususiy tibbiyot tashkilotlari xodimlari shaxsiy transportdan foydalanishlari mumkin emas”
Ta’kidlash kerakki, AOKAda Sog‘liqni saqlash vazirligi huzuridagi Koronavirusga qarshi kurash shtabi a’zosi Habibulla Oqilov ishtirokida o‘tkazilgan brifingda ham shunga o‘xshash savol kelib tushgandi.
Unda o‘rnatilgan tartibga binoan, fuqarolar favqulodda holatlar, jumladan, homilador ayollarni shifoxonaga yetkazish uchun shaxsiy avtomobilidan foydalanishi mumkinligi, bu haqda YPX xodimlari ham xabardor qilingani aytilgan.
O‘zbekistonda 15-martdan buyon koronavirusga chalingan bemorlarning besh nafari vafot etdi, 225 nafari esa sog‘ayib, reabilitatsiyaga olingan. Xorijda 73 o‘zbekistonlikda koronavirus aniqlangan (eng ko‘pi — 42 nafari — Rossiyada), ularning to‘rt nafari vafot etgan.
Izoh (0)