ESPN telekanallari tarmog‘i asoschisi Nik Eyms dunyo futbolidagi yetarli baho berilmagan o‘yinchilar ro‘yxatini tuzib chiqdi.
Granit Jaka, “Arsenal”
“Jaka, tezkor futbolchi emas, biroq uning fikrlashi va radioboshqaruvli chap oyog‘i har hafta gol o‘tkazib yuboradigan jamoa o‘yiniga o‘zgarish kirita oldi”.
Tomas Myuller, “Bavariya”
“Chelsi”ga qarshi o‘yinda o‘z qudratini ko‘rsatdi. Hujumda bog‘lam vazifasini bajardi va boshqa hech kim harakat qila olmaydigan hududda o‘ynadi”.
Gabriel Jezus, “Manchester Siti”
“U 23 yoshda, o‘rtacha har 2,2 o‘yinda bitta gol uradi, asosan zaxiradan tushgan holda. Kelajakda u Aguerodan taxtni qabul qilib olishi ko‘rinib turibdi”.
Romelu Lukaku, “Inter”
“Romelu endi 26 yoshda va u faoliyati davomida 172 ta gol urishga erishdi. Ajoyib sermahsullik”.
Tomas Parti, “Atletiko”
“Parti Diyego Simeonening “Atletiko”sini buyuk qilgan sifatlarni o‘zida mujassam qilgan: charchamas, o‘z ishiga sadoqatli, yuqori samarali. U juda va juda yaxshi futbolchi”.
Jo Gomes, “Liverpul”
“Ba’zida u endigina 22 yoshda ekaniga ishonish qiyin bo‘lib qoladi. Gomes — ajoyib sportchi. U yosh bo‘lishiga qaramay yetakchilik xususiyatlariga ega”.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)