Divandagi bosh vazir, G‘alaba darvozasi tagidagi sevishganlar, qarovsiz maymunlar. 12-aprel suratlari
12-aprel, yakshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.
Koronavirus pandemiyasi tufayli bo‘shab qolgan Fransiyaning Parij shahridagi G‘alaba darvozasi yonida yolg‘iz yurgan politsiya xodimi.Foto: Rex
Buyuk Britaniya bosh vaziri Boris Jonson davolanish muolajalaridan so‘ng 12-aprel kuni kasalxonadan chiqdi. Kasalxonadan chiqqanidan so‘ng Jonson o‘zining Twitter’dagi sahifasiga videomurojaat joylagan bo‘lib, unda Britaniya Milliy sog‘liqni saqlash tizimi xodimlariga minnatdorchilik birdirgan.Foto: Reuters
Hindistonning Chinnay shahridagi bozorga o‘rnatilgan, koronavirus xavfi haqida ogohlantirayotgan qo‘riqchilar.Foto: Getty Images
Rossiyaning Sochi shahrida savatda tol novdalarini kechki ibodat uchun olib ketayotgan ayollar.Foto: Getty Images
Braziliyaning Aguas Lindas shahrida ishchilar koronavirus bilan kasallangan bemorlar uchun dala kasalxonasi qurmoqda. Hukumat yaqinda ilk qurbonlar borligini ma’lum qilgan edi. Rio-de-Janeyroda aholi zichligi va yomon sanitariya holati kasallikning tez tarqalishiga olib kelmoqda. Foto: Getty Images
Hindistonning Pushkar shahrida hukumat tomonidan e’lon qilingan umummilliy “o‘zini yakkalash” tartibi paytida qarovsiz qolgan maymunlarni boqayotgan erkak.Foto: Getty Images
AQShning Nyu-York shahrida davom etayotgan koronavirus pandemiyasi vaqtida yolg‘iz tennis o‘ynayotgan erkak.Foto: Getty Images
Nepalning Katmandu shahrida hindlar va buddachilar uchun muqaddas sanalgan eng katta Svayambxunatx butini dezinfeksiya qilish jarayoni.Foto: EPA
Gonkongdagi musiqa maktabi tomonidan berilgan yuk mashinasida kuy chalayotgan erkak. 12 nafar o‘qituvchi ishlaydigan Ming’s Piano maktabining koronavirus tufayli kasodga uchramasligi hamda o‘quvchilarning uyi tagida dars o‘tishi uchun muallimlarga musiqa asboblari bilan 3 ta yuk mashinasi ajratildi. Foto: Getty Images
Tokio shahri ma’muriyati vakillari Kabukityo ko‘ngilochar tumanida odamlarni uylarida o‘tirishga chorlovchi plakatlar bilan yuribdi.Foto: Getty Images
Isroilning Hayfa shahrida yovvoyi to‘ng‘iz bolalari bilan yo‘lni kesib o‘tmoqda.Foto: EPA
Ispaniyaning Madrid shahrida munitsipal politsiyaning musiqali orkestri jamoasi Gregorio Maranyon kasalxonasi xodimlari uchun chiqish qilmoqda.Foto: Reuters
Avstraliyadagi Narravalli plyajida yolg‘iz sayr qilib yurgan yo‘lovchi.Foto: Getty Images
Peruning Lima shahridagi supermarket tashqarisida yerga o‘tirib ibodat qilayotgan ayol tufayli o‘ta olmayotgan erkak yo‘l bo‘shatishni so‘ramoqda.Foto: AP
Belgiyaning Bryussel shahrida koronavirus tufayli joriy qilingan qisman yopiqlik tartibi sharoitida G‘alaba darvozasi yaqinida quchoqlashib turgan juftlik.Foto: AP
Germaniya sharqidagi hududlardan birida slavyan hamjamiyatining an’anaviy liboslarini kiyib olgan ayollar saharda Pasxa bayrami ibodati vaqtida duo o‘qimoqda.Foto: Reuters
O‘zbekistonda 12—14-aprel kunlari shiddatli shamol esib, kuchli yomg‘ir yog‘ishi aytilgan edi. Toshkent shahrida yakshanba kuni ertalab boshlangan yomg‘ir kechgacha tinmadi.Foto: “Daryo”
Filippinning Manila shahrida uyining derazasidan o‘yinchoqlari va bayroq bilan birga qarab turgan qizaloq. Aholi bu paytda tibbiyot xodimlarini derazalaridan turib olqishlash bilan band.Foto: AP Photo
Qadim Quddus shahridagi g‘arbiy devor oldida odatda juda ko‘plab ibodatchilar an’anaviy duo uchun yig‘ilishar edi. Bu yilgi Pasxada koronavirus pandemiyasi tufayli ularning soni ancha kam.Foto: Reuters
Kaliforniya shtatining San-Diyego shahri politsiyasi va tibbiyot xodimlari shahar markazida koronavirusga qarshi kurashayotgan insonlar va uyida o‘tirganlar uchun konsert qo‘yib berayotgan DJ IAMNOEL ismli musiqachini qo‘llab-quvvatlash uchun yig‘ilishdi.Foto: AFP
Argentinaning Buenos-Ayres shahrida grippga qarshi vaksina olish uchun navbat kutayotgan erkak.Foto: EPA
Qizi bilan birga himoya niqoblarini taqib olgan erkak “Bardam bo‘l, Chikago” yozuvi tushirilgan devor yonidan o‘tib ketmoqda.Foto: AP Photo
Yaponiya bosh vaziri Sindzo Abe yakshanba kuni Twitter’ida divanda iti bilan birga dam olib, choy ichib, mutolaa qilayotgan chog‘ida odamlarni uyda qolishga chorlagan video yuklagan. Bunga javoban esa juda ko‘plab salbiy izohlar olgan.Foto: Twitter
Yakshanba kuni Janubiy Afrikada koronavirusga chalinganlar soni 145 taga ortdi. Umumiy kasallanganlar soni 2173 taga yetdi. Suratda uyda qolishga chorlovchi “Uyda qoling. Har bir kun hisobda. Tarqalishining oldini oling”, deb yozilgan banner tagida yurib ketayotgan ayol.Foto: Reuters
Angliyaning Istborn shahridagi plyajga faqat ayrim insonlargina jazm qilib chiqib turibdi.Foto: Reuters
Izoh (0)