Rossiya Federatsiyasining Ingushetiya Respublikasi Musulmonlar ma’naviy boshqarmasi rahbari, muftiy Abdurahmon Martazanov koronavirusdan vafot etdi. Bu haqda “RIA Novosti” xabar bergan.
Xabarga ko‘ra, muftiy pnevmoniya kasalligi bilan kasalxonaga olib kelingan. Undan koronavirusni tekshirish uchun olingan dastlabki test ijobiy natija ko‘rsatgan.
Muftiyning qaysi kasallik oqibatida vafot etgani bo‘yicha hali yakuniy tashxis qo‘yilgani yo‘q, deya ma’lum qilgan Ingushetiya hukumati raisi vazifasini vaqtincha bajaruvchi Vladimir Slastenin.
Abdurahmon Martazanov 64 yoshda edi. U 2019-yil iyul oyida Ingushetiya Musulmonlar ma’naviy boshqarmasi rahbari lavozimiga saylangandi. Ushbu lavozimni egallaguniga qadar 20 yil davomida shar’iyat qozisi sifatida faoliyat olib borgan.
11-aprel holatiga ko‘ra, Ingushetiya Respublikasida koronavirusga chalinish bo‘yicha 29 ta holat qayd etilgan, bemorlarning biri og‘ir ahvolda, yana to‘rt nafari jonlantirish bo‘limlarida davolanmoqda. Yana to‘rt nafar kishi koronavirus gumoni bilan karantinga olingan.
Mavzuga doir:
Izoh (0)