12 апрель, якшанба куни, дунёнинг турли бурчакларида олинган энг қизиқарли суратлар жамланмасини тақдим этамиз.
Коронавирус пандемияси туфайли бўшаб қолган Франциянинг Париж шаҳридаги Ғалаба дарвозаси ёнида ёлғиз юрган полиция ходими.Фото: Rex
Буюк Британия бош вазири Борис Жонсон даволаниш муолажаларидан сўнг 12 апрель куни касалхонадан чиқди. Касалхонадан чиққанидан сўнг Жонсон ўзининг Twitter’даги саҳифасига видеомурожаат жойлаган бўлиб, унда Британия Миллий соғлиқни сақлаш тизими ходимларига миннатдорчилик бирдирган.Фото: Reuters
Россиянинг Сочи шаҳрида саватда тол новдаларини кечки ибодат учун олиб кетаётган аёллар.Фото: Getty Images
Бразилиянинг Агуас Линдас шаҳрида ишчилар коронавирус билан касалланган беморлар учун дала касалхонаси қурмоқда. Ҳукумат яқинда илк қурбонлар борлигини маълум қилган эди. Рио-де-Жанейрода аҳоли зичлиги ва ёмон санитария ҳолати касалликнинг тез тарқалишига олиб келмоқда. Фото: Getty Images
Австралиядаги Нарравалли пляжида ёлғиз сайр қилиб юрган йўловчи.Фото: Getty Images
Перунинг Лима шаҳридаги супермаркет ташқарисида ерга ўтириб ибодат қилаётган аёл туфайли ўта олмаётган эркак йўл бўшатишни сўрамоқда.Фото: AP
Бельгиянинг Брюссель шаҳрида коронавирус туфайли жорий қилинган қисман ёпиқлик тартиби шароитида Ғалаба дарвозаси яқинида қучоқлашиб турган жуфтлик.Фото: AP
Германия шарқидаги ҳудудлардан бирида славян ҳамжамиятининг анъанавий либосларини кийиб олган аёллар саҳарда Пасха байрами ибодати вақтида дуо ўқимоқда.Фото: Reuters
Ўзбекистонда 12—14 апрель кунлари шиддатли шамол эсиб, кучли ёмғир ёғиши айтилган эди. Тошкент шаҳрида якшанба куни эрталаб бошланган ёмғир кечгача тинмади.Фото: «Дарё»
Филиппиннинг Манила шаҳрида уйининг деразасидан ўйинчоқлари ва байроқ билан бирга қараб турган қизалоқ. Аҳоли бу пайтда тиббиёт ходимларини деразаларидан туриб олқишлаш билан банд.Фото: AP Photo
Қадим Қуддус шаҳридаги ғарбий девор олдида одатда жуда кўплаб ибодатчилар анъанавий дуо учун йиғилишар эди. Бу йилги Пасхада коронавирус пандемияси туфайли уларнинг сони анча кам.Фото: Reuters
Калифорния штатининг Сан-Диего шаҳри полицияси ва тиббиёт ходимлари шаҳар марказида коронавирусга қарши курашаётган инсонлар ва уйида ўтирганлар учун концерт қўйиб бераётган DJ IAMNOEL исмли мусиқачини қўллаб-қувватлаш учун йиғилишди.Фото: AFP
Аргентинанинг Буэнос-Айрес шаҳрида гриппга қарши вакцина олиш учун навбат кутаётган эркак.Фото: EPA
Қизи билан бирга ҳимоя ниқобларини тақиб олган эркак «Бардам бўл, Чикаго» ёзуви туширилган девор ёнидан ўтиб кетмоқда.Фото: AP Photo
Япония бош вазири Синдзо Абэ якшанба куни Twitter’ида диванда ити билан бирга дам олиб, чой ичиб, мутолаа қилаётган чоғида одамларни уйда қолишга чорлаган видео юклаган. Бунга жавобан эса жуда кўплаб салбий изоҳлар олган.Фото: Twitter
Якшанба куни Жанубий Африкада коронавирусга чалинганлар сони 145 тага ортди. Умумий касалланганлар сони 2173 тага етди. Суратда уйда қолишга чорловчи «Уйда қолинг. Ҳар бир кун ҳисобда. Тарқалишининг олдини олинг», деб ёзилган баннер тагида юриб кетаётган аёл.Фото: Reuters
Англиянинг Истборн шаҳридаги пляжга фақат айрим инсонларгина жазм қилиб чиқиб турибди.Фото: Reuters
Изоҳ (0)