AQSh prezidenti Donald Tramp Oq uyda o‘tkazilgan brifing vaqtida OPEKni o‘zini o‘zi yakson etayotgan noqonuniy tuzilma deb atadi. Ushbu jarayon prezident Administratsiyasining Twitter’dagi sahifasi orqali translyatsiya qilingan.
“Butun umrim davomida OPEKka qarshi chiqqanman, o‘zi nima bu? Bu noqonuniy tuzilma, uni kartel yoki monopoliya deb atashingiz mumkin”, — deydi AQSh prezidenti. Shuningdek, Tramp OPEK AQShga nisbatan noxolis yondashayotganini ma’lum qilgan.
Prezident Tramp brifing vaqtida “AQShdagi minglab, o‘n minglab ish o‘rinlari”ni himoya qilish uchun import qilinayotgan neftga boj joriy etishga tayyorligini bildirgan.
Bundan tashqari, Tramp Saudiya Arabistoni bilan muzokara o‘tkazganini, podshohlik Rossiya bilan neft qazib olishni qisqartirish bo‘yicha bitim imzolash niyatida ekanligini ma’lum qilgan.
Mavzuga doir:
- Putin va Tramp telefon orqali koronavirus pandemiyasi hamda neft narxlarini muhokama qildi
- Brent markasidagi neft narxi 12 foizga qimmatlashib, barrel uchun 33 dollarga chiqdi
- Trampning Rossiya va Saudiya Arabistoni o‘rtasidagi kelishuv haqida yozgan tvitidan keyin neft narxi 35 dollarga chiqdi
- Iqtisodchi Yuliy Yusupov jahon bozorida neft narxi pasayishda davom etsa, so‘mning devalvatsiyasi muqarrarligini bildirdi
Izoh (0)