Angliyada xazina izlovchi erkak 20 yil avval yo‘qotilgan nikoh uzugini egasiga qaytardi, deb yozadi East Anglian Daily Times.
Angliyadagi Okkold qishlog‘ida yashovchi 50 yoshli Tayron Xolman mahalliy fermadagi tuproqni metallodetektor bilan tekshirdi.
Tuproq orasidan “Muhabbat bilan, Kristiana. 1967-yil 9-sentabr” deb yozilgan nikoh uzugi chiqdi.
Ma’lum bo‘lishicha, uzukda yozilgan sanada ayol Jon ismli erkakka turmushga chiqqan. 75 yoshli Jon 20 yil avval nikoh uzugini yo‘qotib qo‘ygan.
Ayol ular nikoh uzugini yo‘qotib qo‘yganidan juda xafa bo‘lgani, keyinchalik bunga ko‘nikkani haqida so‘zlab bergan.
“Uzuk topilganiga ishongim kelmayapti”, — deydi ayol.
Izoh (0)