Россия Саноат ва савдо вазирлиги ўта зарур бўлмаган ҳолларда спиртли ичимликлар савдосининг белгиланган режимини ўзгартирмасликни тавсия этмоқда. Бундай таклиф маҳсулот етказиб берувчи ташкилотлар фаолиятини таъминлаш бўйича берилган кўрсатмалар қаторидан жой олган, деб ёзмоқда «РБК».
Маълум қилинишича, Россия саноат ва савдо вазири Денис Мантуров томонидан мамлакатнинг барча ҳудудлари раҳбарларига ана шу таклиф ва кўрсатмалар жўнатилган.
Вазир томонидан қайд этилишича, спиртли ичимликлар савдосига қўшимча чеклов киритиш ноқонуний маҳсулотларнинг улуши кўпайишига ва жиддий ижтимоий тарангликлар ошишига олиб келиши мумкин.
Аввалроқ Байкалорти ўлкаси расмийлари «ўзини яккалаш» режими жорий этилганидан кейин спиртли ичимликлар таъсирида ҳуқуқбузарликлар ортаётгани сабабли уларнинг чакана савдосини тўхтатган.Шунингдек, коронавирус сабабли Бошқирдистонда 1 апрелдан спиртли ичимликлар сотиш вақти қисқартирилган, мазкур маҳсулотлар савдосига соат 10:00 дан 18:00 гача рухсат этилган. Хакасияда эса спиртли ичимликларни соат 10:00 дан 15:00 гача сотиб олиш мумкин. Бундай чоралар Ёқутистон ва Карелияда ҳам жорий қилинган.
Аввалроқ карантин сабабли АҚШда спиртли ичимликлар савдоси бир ҳафтада 55 фоизга ошгани ҳақида хабар берилган эди.
Изоҳ (0)