David De Xea: “Ronaldu — bu haqiqiy yirtqich, u kabi futbolchilar tarixda barmoq bilan sanarli”

“Fiorentina” darvozaboni David De Xea Saudiya Arabistonining “Al-Nasr” jamoasida to‘p surayotgan portugaliyalik hujumchi Krishtianu Ronaldu haqida iliq fikr bildirdi. Bu haqda Championat nashri xabar berdi.

De Xeaning ta’kidlashicha, Ronaldu nafaqat yuqori darajadagi sportchi, balki futbol tarixidagi eng noyob iste’dod egalaridan biridir:

Krishtianu — haqiqiy yirtqich. Bu gaplar sizga tanish tuyulishi mumkin, ammo baribir bunday holat juda kam uchraydi. U 40 yoshda, ammo hanuzgacha gol urmoqda, sovrinlar yutmoqda. U — musobaqalar qotili. O‘ziga qanday g‘amxo‘rlik qilishini ko‘rsangiz — bu hayratlanarli. Tarixda Ronaldu kabi futbolchilar sanoqli. Ba’zi futbolchilar bir-ikki yil yaxshi o‘ynash mumkin, lekin yigirma yil davomida yuqori darajada harakat qilish — bu mutlaqo boshqa daraja, — deya De Xeaning so‘zlarini keltiradi Cronache di Spogliatoio.

Ma’lumot o‘rnida, Krishtianu Ronaldu professional faoliyati davomida “Sporting”, “Manchester Yunayted”, “Real Madrid” va “Yuventus” kabi klublar safida to‘p surgan. Ayni paytda esa u Saudiya Arabistonining “An-Nassr” jamoasi sharafini himoya qilmoqda.

Eslatib o‘tamiz, Ronaldu va De Xea faoliyatlarining ma’lum bir davrida “Manchester Yunayted” tarkibida birga harakat qilgan.