O‘zbekistonda Moliya vazirligi texnik xodimlarida koronavirus testi shubha uyg‘otgani, biroq keyin idorada ish qayta tashkil etilgani xabar qilindi

Moliya vazirligi alohida texnik xodimlarining koronavirus test natijalari shubha uyg‘otgani va ular keyingi tekshiruvlar uchun klinik karantinga olinganini ma’lum qildi.

Xabarda vazirlikning koronavirus pandemiyasi bilan bog‘liq karantin tadbirlari davrida xodimlar, barcha tashrif buyuruvchilar va ularning oila azolari xavfsizligini ta’minlash maqsadida, birinchilardan bo‘lib, masofaviy ishlash tartibini joriy qildi. Dastlabki kunlardanoq xodimlarning 40 foizdan ko‘p qismi, jumladan, bog‘cha va boshlang‘ich sinflar yoshidagi farzandli xodimlar mehnat ta’tiliga chiqarilgani qayd etilgan.

Vazirlik ustuvor davlat dasturlarini moliyalashtirish va budjet tizimi xodimlariga ish haqlarini o‘z vaqtida to‘lash, shuningdek, koronavirus infeksiyasining tarqalishiga qarshi kurash choralarini ta’minlash bo‘yicha uzluksiz faoliyatini davom ettirmoqda.

Moliya vazirligi jamoasi shifokorlar nazorati ostida quyidagi tartibda faoliyat olib boradi:

1. vazir va vazir o‘rinbosarlari boshchiligidagi rahbariyat, asosiy bo‘limlarning boshliqlari va alohida xodimlari avvalgidek vazirlik binosida ish olib boradi;
2. g‘aznachilik ham hisobvaraqlar bo‘yicha barcha xizmatlarni taqdim etgan holda o‘z faoliyatini davom ettiradi. Buning uchun tegishli xodimlar jalb qilinadi va ular alohida binoda mustaqil ishlaydi;
3. qolgan xodimlar masofadan ishlashni davom ettiradi.