Молия вазирлиги алоҳида техник ходимларининг коронавирус тест натижалари шубҳа уйғотгани ва улар кейинги текширувлар учун клиник карантинга олинганини маълум қилди.
Хабарда вазирликнинг коронавирус пандемияси билан боғлиқ карантин тадбирлари даврида ходимлар, барча ташриф буюрувчилар ва уларнинг оила азолари хавфсизлигини таъминлаш мақсадида, биринчилардан бўлиб, масофавий ишлаш тартибини жорий қилди. Дастлабки кунларданоқ ходимларнинг 40 фоиздан кўп қисми, жумладан, боғча ва бошланғич синфлар ёшидаги фарзандли ходимлар меҳнат таътилига чиқарилгани қайд этилган.
Вазирлик устувор давлат дастурларини молиялаштириш ва бюджет тизими ходимларига иш ҳақларини ўз вақтида тўлаш, шунингдек, коронавирус инфекциясининг тарқалишига қарши кураш чораларини таъминлаш бўйича узлуксиз фаолиятини давом эттирмоқда.
Мавзуга доир:
Молия вазирлиги жамоаси шифокорлар назорати остида қуйидаги тартибда фаолият олиб боради:
- вазир ва вазир ўринбосарлари бошчилигидаги раҳбарият, асосий бўлимларнинг бошлиқлари ва алоҳида ходимлари аввалгидек вазирлик биносида иш олиб боради;
- ғазначилик ҳам ҳисобварақлар бўйича барча хизматларни тақдим этган ҳолда ўз фаолиятини давом эттиради. Бунинг учун тегишли ходимлар жалб қилинади ва улар алоҳида бинода мустақил ишлайди;
- қолган ходимлар масофадан ишлашни давом эттиради.
Изоҳ (0)