O‘zbekistonda koronavirus infeksiyasi aniqlangan shaxslar soni 5 nafarga oshib, 172 kishini tashkil qilmoqda. Bu haqda Sog‘liqni saqlash vazirligi xabar berdi.
Avvalroq infeksiya 9 nafar bemorda aniqlanib, ular 167 kishiga yetgani xabar qilingandi. Shuningdek, 31-mart soat 20:20 holatiga ko‘ra, sakkiz nafar bemor sog‘aygani ma’lum bo‘lgandi.
Eslatib o‘tamiz, avvalroq 12-mart kuni Umra safaridan Turkiya orqali qaytgan namanganlik ayolning koronavirusga chalingan 72 yoshli onasi 27-mart kuni tongda infarktdan vafot etgani, uning dafn marosimida birorta ham qarindoshi qatnashmagani haqida xabar berilgan edi.
Bundan tashqari, koronavirusning ikkinchi qurboni — Toshkentda vafot etgan 39 yoshli shifokor kasalligini yashirib, o‘zini uyda davolashga uringani, undan qashqadaryolik 14 yoshli jiyaniga yuqqani, viloyat yuqumli kasalliklar shifoxonasiga yotqizilgan o‘smirning ahvoli o‘rta og‘irlikda ekani aytilgan edi.
Izoh (0)