Ukrainaning Kolenkovsi qishlog‘ida yashovchi ayol boshqalarga koronavirus yuqtirgani uchun qishloqdoshlaridan kechirim so‘rab, videomurojaat yo‘lladi.
Ma’lumotlarga ko‘ra, ayol pandemiya avj olgan bir paytda Italiyadan qaytib kelgan, biroq o‘zini izolyatsiyada saqlamagan. U jamoat ishlarida faol qatnashgan, mitinglarga borgan. Oqibatda ayolning farzandlari va nabiralari, qishloq raisi koronavirus yuqtirib olgan, shuningdek, 14 nafar qishloqdoshi shifoxonada davolanmoqda.
“Eshitishimcha, uyimni yoqib yubormoqchi, farzandlarim va nabiralarimga kuch ishlatmoqchi ekansizlar. Men bugun qaytib keldim, koronavirusdan davolandim. Farzandlarim ham davolandi, ularni o‘ldirmang. Xohlasangiz meni o‘ldiring, agar biror foyda bersa maydalab, chopib tashlang. Men sizlardan kechirim so‘rayman”, — deydi ayol.
Ayolning so‘zlariga ko‘ra, u oilasi bilan hech qayerga chiqa olmay, hujjatlari bilan uyda o‘tiribdi. Ta’kidlanishicha, uydagi oziq-ovqat ham tugab qolgan. “Makaronning ham oxirini yeyapmiz”, — deydi ayol. Shuningdek, u boshqa hech qachon Italiyaga bormaslikka va’da bergan.
Mavzuga doir:
Izoh (0)