KXDR 29-mart kuni yirik kalibrli ko‘p zaryadli raketa qurilmasini sinovdan o‘tkazdi. “RBK”ning yozishicha, bu haqda Shimoliy Koreya OAVlariga tayanib, Yonhap agentligi xabar bermoqda.
Qayd etilishicha, sinov muvaffaqiyatli o‘tgan. Uchirish Kanvondo provinsiyasidagi Vonsan ma’muriy markazidan amalga oshirilgan. Amaliyot qurilmaning strategik va texnik xususiyatlarini tekshirish maqsadida amalga oshirilgan.
21-mart kuni KXDR Pxenan-Pukto provinsiyasidan qisqa masofaga uchuvchi ikkita ballistik raketasini Yapon dengizi tomon uchirgandi.
Sinovda KXDR yetakchisi Kim Chen In ishtirok etgan. Ushbu sinov yil boshidan beri o‘tkazilgan sinovlarning uchinchisi bo‘ldi. Birinchi raketa sinovi 2-mart kuni o‘tkazilgandi.
9-mart kuni Janubiy Koreya harbiylari KXDR harbiy mashqlar doirasida Yapon dengizi tomon uchta raketa uchirganini ma’lum qilgan edi. Ularning eng uzoq masofasi 200 kilometrdan, uchish balandligi esa 50 kilometrdan oshmagan.
Izoh (0)