Eron koronavirus pandemiyasi sabab qamoqxonalardagi 100 mingga yaqin mahbus vaqtinchalik ozodlikka chiqardi. Bu haqda mamlakatdagi sud hokimiyati vakili G‘ulomhusayn Ismoiliy ma’lum qilgan, deb yozmoqda “RIA Novosti”.
Eron prezidenti Hasan Ruhoniy 24-mart kuni qamoqxonalardan mahbuslarni ozod qilish muddatini 20-aprelgacha uzaytirish haqida qaror qabul qilinganini ta’kidlagan, lekin u vaqtda 70 mingga yaqin mahbus ozodlikka chiqarilgandi.
“Ayni vaqtda, taxminan, 100 ming nafar mahbus ozodlikka chiqarildi”, — deya intervyu bergan Eron televideniyesiga Ismoiliy.
Eron amaldorlarining koronavirus tarqalishining “ikki to‘lqini” boshlangani haqidagi gap-so‘zlariga hamohang ravishda mamlakat sud hokimiyati vakili ham mahbuslarni ozod qilishning ikkinchi to‘lqini start olganini bildirgan.
Mavzuga doir:
- Tayvan va Koreyaning koronavirusni yengish yo‘lidagi muvaffaqiyati sirlari. Ulardan nima o‘rganish mumkin?
- Koronavirus va Amerika – Eron ixtilofi. Pandemiya Yaqin Sharq siyosiy maydonida qanday o‘zgarishlar yasaydi?
- Eron jahon hamjamiyatidan AQShni Tehronga qarshi sanksiyalarini bekor qilishga chaqirishni so‘ramoqda
Izoh (0)