Singapur hukumati karantin qoidalariga rioya etmagan fuqaroning pasportini bekor qildi, deb yozadi Straits Times.

Foto: Straits Times

53 yoshli Ilya Viktor Go Singapurdan Indoneziyaga chiqib ketgan va 19-mart kuni qaytib kelgan. U koronavirusga qarshi kurashish chora-tadbirlari doirasida ikki hafta uydan chiqish mumkin emasligi haqida ogohlantirish olgan.

Shunga qaramay Go o‘n ming dollar jarima to‘lashi yoki yarim yilga qamalishini bilgan holda o‘sha kunning o‘zidayoq yana Indoneziyaga ketgan. U Singapurga 24-mart kuni qaytgan va migratsiya xizmatidan karantinni inkor etib, “o‘zining mas’uliyatsiz xulq-atvorini namoyish etgani” haqida xat olgan.

Singapur migratsiya xizmati Goning pasportini bekor qilgan va uning ishini Sog‘liqni saqlash vazirligiga oshirgan. Erkak pasportsiz davlat chegarasini kesib o‘ta olmaydi, lekin uning fuqarosiligicha qoladi.

Go karantinni buzganlik uchun qat’iy jazo qo‘llanilgan birinchi Singapur fuqarosi bo‘ldi. Mamlakat hukumati fevral oyida ham karantinni buzgan erkakni Singapurda yashash huquqini beruvchi hujjatdan mahrum qilgan edi.

Ma’lumotlarga ko‘ra, Singapurda koronavirusni yuqtirish bilan bog‘liq 802 ta holat aniqlangan, 198 kishi kasallikdan sog‘ayib ketgan, ikki kishi vafot etgan.