23:21, 28.03.2020 95913

Karantindagi O‘zbekiston, taqiqlari kamayayotgan Xitoy, niqobdagi kelin-kuyov. Hafta suratlari

Mart oyining to‘rtinchi haftasidagi eng qiziqarli suratlar jamlanmasini e’tiboringizga havola etamiz.

Falastinlik kelin-kuyov nikoh marosimi oldidan uyushtirilgan fotosessiyada. Koronavirus xavfi tufayli ular niqob taqib olgan.

Foto: AFP

Mavzuga doir: Karantin vaqti Toshkentda o‘tkazilgan marosim mezboni: “Kichkina kuyov-navkar kelib, kelinni olib ketmoqchi edi. To‘yni karantin tugagach qilmoqchi edik”

Manchester shahridagi yuqumli kasalliklar shifoxonasi xodimlari odamlarni uyda qolishga chaqirmoqda.

Foto: Reuters

Mavzuga doir: Koronavirusning O‘zbekistondagi ikkinchi qurboni — shifokor. U o‘zini uyda yashirincha davolashga uringan

23-martdan e’tiboran Toshkent shahrini viloyatlar bilan bog‘lovchi postlar yopilgan. Erkin yo‘l-patrul xizmati maskanida xizmat vazifasini o‘tayotgan niqob va qo‘lqopli ichki ishlar xodimi.

Foto: “Daryo”

Mavzuga doir: Fotoreportaj: Poytaxt va Toshkent viloyati hududlaridagi postlarda vaziyat qanday?

Serbiyalik harbiylar koronavirusning yengil alomatlari kuzatilgan bemorlarni joylashtirish uchun Belgraddagi ko‘rgazmalar zaliga krovatlar joylashtirmoqda.

Foto: Reuters

Mavzuga doir: Yuqori Chirchiqdagi “konteyner-palata”larga xorijdan olib kelingan 650 nafar fuqaro joylashtirildi

Germaniyaning Dortmund shahridagi qandolat do‘koni hojatxona qog‘ozi ko‘rinishidagi pirog tayyorlamoqda.

Foto: AFP

Mavzuga doir: Garderob buyumlari va mevalar umumlashmasidan noan’anaviy fleshmob

Britaniyaning Chester shahridagi hayvonot bog‘ida o‘ynayotgan lemurlar.

Foto: “TASS”

Associated Press agentligi Italiyaning turli shaharlarida koronavirusga qarshi kurashayotgan shifokorlarning ish vaqtidagi tanaffuslaridan foydalanib, ularni suratga tushirmoqda.

Foto: AP Photo

Mavzuga doir: Ko‘p qavatli uylarda yashovchi aholi Prezident va koronavirusga qarshi kurashayotgan barcha mutasaddilarni olqishladi (video)

Joker kabi yuzini grim qilib, kino qahramonidek kiyinib olgan Mexikodagi ko‘cha artisti.

Foto: AP Photo

Mavzuga doir: Koronavirus yuqtirib olgan mashhurlar (foto)

O‘zbekiston bo‘yicha dehqon bozorlaridan tashqari barcha turdagi bozorlar yopilgan. “Toshkent” savdo majmuasidan “Bek Baraka”ga olib o‘tadigan, ayni paytda huvullab qolgan yerosti yo‘lida ketayotgan juftlik.

Foto: “Daryo”

Mavzuga doir: O‘zbekistonda o‘ta zaruratsiz uydan chiqish va ko‘chada 3 nafardan ortiq bo‘lib to‘planish taqiqlandi

Bangkokda kafe mijozi kofeni arqon yordamida boshqariladigan aravachadan qabul qilib olmoqda.

Foto: Reuters

Mavzuga doir: Supermarketda kartoshka bilan nonni bitta savatga solib, o‘zbeklarga sog‘liq tilagan AQSh elchisi muhokamalarga sabab bo‘ldi (video)

Pekinda tashrifchilar uchun yana ochilgan hayvonot bog‘idagi panda.

Foto: EPA

Sidneyda trubkali niqob taqib olgan erkak. Avstraliyada ishga, oziq-ovqat sotib olishga va doktorga borish uchungina tashqariga chiqishga ruxsat etilgan. To‘ylarda kelin-kuyov bilan birga 5 kishi, dafn marosimlarida 10 kishigacha ishtirok etishi mumkin.

Foto: Getty Images

Mavzuga doir: Koronavirusdan vafot etgan kishi qanday dafn etiladi? O‘zbekiston musulmonlari idorasi javob berdi

Singapurning Jevel Changi aeroportidagi odatda turistlar bilan to‘lib toshadigan, hozir esa deyarli huvullab qolgan bog‘.

Foto: Getty Images

Atrofi bo‘shab qolgan Giza piramidasi yonidan o‘tayotgan ishchi.

Foto: AP Photo

Sankt-Peterburg yaqinidagi qishloqda Andrey Vaxrushev o‘z uyida Xeops piramidasining kichik nusxasini yaratdi. Piramidaning balandligi 9 metrga teng.

Foto: AP Photo

JARning Yoxannesburg shahrida komendantlik soati talablarini buzib, ko‘chaga chiqqan yigit politsiya tomonidan to‘xtatildi.

Foto: AFP

Mavzuga doir: O‘zbekistonda karantin qoidalarini buzish bilan bog‘liq 3600 dan ortiq holat qayd etildi

Mudofaa vazirligi harbiylari Toshkent ko‘chalarini dezinfeksiya qilmoqda.

Foto: Mudofaa vazirligi

Mavzuga doir: Toshkent shahrini Milliy gvardiyaning maxsus texnikalari yordamida dezinfeksiya qilish boshlandi

Shtutgartdagi xalqaro aeroportda reyslarning jo‘nash vaqtini ko‘rsatadigan tablo.

Foto: EPA

Mavzuga doir: O‘zbekistondagi barcha aeroportlar 30-martdan yopiladi, aviaqatnovlar butunlay to‘xtatiladi

Senegal poytaxti Dakar shahrida odamlar bozorning buldozer bilan tekislab tashlanishini kuzatmoqda. Hududni dezinfeksiya qilish maqsadida bozor buzib tashlandi.

Foto: AFP