Daryo
Dunyo

Koronavirus yuqtirib olgan mashhurlar (foto)

Koronavirus yuqtirib olganlar soni dunyo bo‘yicha 600 mingdan oshdi. Ular orasida siyosiy arboblar, amaldorlar, kino aktyorlari va musiqachilar ham bor

3 daqiqa o‘qish809 065 ko‘rishlar0 izoh0

Koronavirus yuqtirib olganlar soni dunyo bo‘yicha 600 mingdan oshdi. Ular orasida siyosat arboblari, amaldorlar, kino aktyorlari va musiqachilar ham bor. Reuters agentligi koronavirusga chalingan mashhurlar haqida fotoreportaj tayyorladi.

27-mart kuni Buyuk Britaniya bosh vaziri Boris Jonsonda koronavirus aniqlandi. Ayni vaqtda uyda izolyatsiyaga olingan siyosatchi hukumatni videokonferensaloqa orqali boshqarishda davom etmoqda.Foto: Reuters
25-mart kuni Britaniya taxti vorisi — 71 yoshli shahzoda Charlzda ham koronavirus aniqlangan. Ayni vaqtda shahzoda va rafiqasi o‘zini izolyatsiya qilgan.Foto: Reuters
Jinsiy zo‘ravonlikda ayblanib qamoq muddatini o‘tayotgan sobiq kinoprodyuser Xarvi Vaynshteynda 23-mart kuni koronavirus aniqlandi. 68 yoshli Vaynshteyn qamoqxonaning izolyatoriga olingan.Foto: Reuters
Britaniyalik aktyor Idris Elba 16-mart kuni unda koronavirus aniqlangani haqida Twitter orqali ma’lum qildi. Koronavirusga chalingan odam bilan muloqot qilgani ma’lum bo‘lganidan so‘ng u test topshirgan va test ijobiy chiqqan. Idrisning xotini Sabrina erini yakkalab qo‘yishdan bosh tordi va bir haftadan so‘ng unda ham koronavirus aniqlandi.Foto: Reuters
Aktyor Tom Xenks va uning rafiqasi Rita Uilson Avstraliyada yangi film ustida ish olib borayotganida koronavirus yuqtirib olgan. Bir necha kunlik muolajalardan so‘ng er-xotinga uyiga javob berilgan, ular Avstraliyada ijaraga olingan uylarida karantinga olingan.Foto: Reuters
19-mart kuni Monako knyazi Alber II da koronavirus aniqlangani ma’lum qilindi. U COVID-19 yuqtirib olgan birinchi davlat rahbari bo‘ldi. Knyaz Alber o‘z uyidagi ofisida ish faoliyatini davom ettirmoqda.Foto: Reuters
Ispaniyalik opera qo‘shiqchisi Plasido Domingo 22-mart kuni koronavirus yuqtirib olganini ma’lum qildi. Uning aytishicha, yo‘tal tutib, harorati ko‘tarilganidan so‘ng test topshirishga qaror qilgan, natija esa ijobiy chiqqan. Domingo hozir oilasi bilan karantinda.Foto: Reuters
NBA basketbolchisi, “Bruklin Nets” hujumchisi, AQSh termasi safida jahon va Olimpiada chempioni bo‘lgan Kevin Dyurantda 17-mart kuni koronavirus aniqlandi.Foto: Reuters
“Hayot-mamot” (Lost), “Gavayi 5.0” seriallaridagi roli bilan tanilgan aktyor Daniel De Kim 19-mart kuni koronavirus yuqtirib olganini e’lon qildi.Foto: Reuters
“Taxtlar” o‘yinidagi Tormund roli bilan tanilgan Kristofer Xivyuda koronavirus aniqlanganidan so‘ng u Norvegiyada oilasi bilan birga uy sharoitda izolyatsiyalangan.Foto: Reuters
Jeyms Bondning sevgilisi rolini o‘ynagan aktrisa Olga Kurilenko 15-mart kuni koronavirus yuqtirib olib, uy sharoitida izolyatsiyalanganini ma’lum qildi. Bir haftadan so‘ng u uyda davolanib, butunlay sog‘ayib ketganini aytdi.Foto: Reuters
Kanada bosh vaziri Jastin Tryudoning rafiqasi Sofiya Londondan qaytganidan so‘ng unda kasallik simptomlari paydo bo‘ldi. 12-martda topshirgan testi unda koronavirus borligini ko‘rsatdi.Foto: Reuters
Rudi Gober koronavirus aniqlangan birinchi NBA basketbolchisi bo‘ldi. Shundan so‘ng NBAda barcha uchrashuvlar qoldirildi. COVID-19 aniqlanishidan oldingi matbuot anjumanida basketbolchi koronavirus atrofidagi vahimalar ustidan kulib, barcha mikrofonlarga teginib chiqqandi.Foto: Reuters
“Arsenal” bosh murabbiyi Mikel Artetada 12-mart kuni koronavirus aniqlandi. Shundan so‘ng London klubi ikki haftalik karantinga jo‘natildi. Hozir murabbiy o‘zini sog‘lom his qilayotganini aytmoqda.Foto: Reuters
“Yuventus” himoyachisi Daniele Rugani koronavirus yuqtirib olgan Italiya A Seriyasining birinchi futbolchisi bo‘ldi. Unda 11-mart kuni koronavirus aniqlandi. Keyinroq uning jamoadoshi Blez Matyuidida ham koronavirus aniqlandi.Foto: Reuters
Daniele Rugani va Blez Matyuididan so‘ng “Yuventus”ning yang bir futbolchisi Paulo Dibalada ham koronavirus aniqlandi.Foto: Getty Images
Ispaniya bosh vaziri Pedro Sanchesning rafiqasi Begonya Gomesda 14-mart kuni COVID-19 koronavirusi aniqlandi.Foto: Reuters
Koronavirus bilan bog‘liq boshqa fotogalereyalar
DS

Muallif

Dilshod Sharipov

Telegram kanal@daryo_worldObuna bo‘lish

Siz qanday fikrdasiz?

Avval fikringizni yozing. Yuborishda hisobingizni tasdiqlaysiz.

O‘xshash yangiliklar

Yana
AQSH shtatida 200 yilda birinchi marta ayol qatl etiladi

AQSH shtatida 200 yilda birinchi marta ayol qatl etiladi

Bugun, 12:28

Eron Yadro qurolini tarqatmaslik shartnomasidan chiqishi mumkin

Eron Yadro qurolini tarqatmaslik shartnomasidan chiqishi mumkin

Bugun, 11:10

Niderlandiyada bir yashar bola evtanaziya qilindi

Niderlandiyada bir yashar bola evtanaziya qilindi

Bugun, 10:08

Putin Rossiya armiyasining shtat sonini 2,44 million kishiga yetkazdi

Putin Rossiya armiyasining shtat sonini 2,44 million kishiga yetkazdi

Bugun, 09:35

Rossiya Ukraina dron kuchlari qo‘mondoni haqidagi ma’lumot uchun 20 mln dollar mukofot va’da qildi

Rossiya Ukraina dron kuchlari qo‘mondoni haqidagi ma’lumot uchun 20 mln dollar mukofot va’da qildi

Bugun, 09:04

Xitoyda elektromobilni 5 daqiqada quvvatlash texnologiyasi yaratildi

Xitoyda elektromobilni 5 daqiqada quvvatlash texnologiyasi yaratildi

Bugun, 08:16

Bluetooth nomi qayerdan kelib chiqqan? Viking qiroli va ming yillik tarix

Bluetooth nomi qayerdan kelib chiqqan? Viking qiroli va ming yillik tarix

Bugun, 08:05

KDRda Ebola virusidan saqlanishga chaqirgan siyosatchi oʻldirildi. Mamlakatda 8 mingdan ortiq odam kasallangan

KDRda Ebola virusidan saqlanishga chaqirgan siyosatchi oʻldirildi. Mamlakatda 8 mingdan ortiq odam kasallangan

Bugun, 07:45