Mart oyining birinchi haftasidagi eng qiziqarli suratlar jamlanmasini e’tiboringizga havola etamiz.

Shanxaydagi go‘zallik salonida sartarosh va mijoz koronavirusdan himoyalanish uchun niqob taqib olgan. Dekabrdan buyon koronavirus bilan kasallanganlar soni dunyo bo‘yicha 100 mingdan, vafot etganlar 3400 nafardan oshib ketdi.

Foto: Getty Images

Suriya hukumat kuchlarining Idlibga bergan aviazarbasi oqibatida yaralangan bolaga shifoxonada yordam ko‘rsatildi.

Foto: AFP

AQShning Tennessi shtatida tornado vayron qilgan uylar ortida quyosh botmoqda.

Foto: Getty Images

Ijtimoiy tarmoqlarda oynasiga “Diqqat!!! Koronavirus” yozuvi yopishtirilgan, ichida himoya kostyumlaridagi tibbiyot xodimlari bo‘lgan tez yordam mashinasining surati tarqaldi. Bu surat koronavirus O‘zbekistonga kirib kelganligi haqidagi gap-so‘zlarga sabab bo‘ldi. Aslida bu Qashqadaryo viloyatining Koson tumanida koronavirusga qarshi o‘tkazilgan mashg‘ulotdan surat edi.

Foto: Qashqadaryo viloyati sog‘liqni saqlash boshqarmasi

Shahzoda Garri va Megan Markl qirollik maqomidan voz kechganidan so‘ng ilk bor Londonda rasmiy tadbirda ishtirok etdi.

Foto: AFP

Balet raqqosasi Aleksandra Kirshina “Grishko” kompaniyasi tomonidan uning uchun maxsus tikilgan balet raqqosalari oyoq kiyimini ushlab o‘tiribdi.

Foto: Getty Images

Janubiy Koreyadagi “Iso Sinchxonji cherkovi” asoschisi Li Man Xi tiz cho‘kib odamlardan uzr so‘ramoqda. Aynan shu sektaga a’zo ayol sabab Janubiy Koreyada yuzlab odamlar koronavirus yuqtirib oldi.

Foto: Reuters

Turkiya orqali Gretsiyaning Lesbos oroliga kelgan qochoqlar yomg‘irli tundan so‘ng isinishga urinmoqda.

Foto: Getty Images

Kuchli yog‘ingarchiliklar tufayli Braziliyaning Rio-de-Janeyro shahrida suv toshqinlari yuz berdi. Kamida 4 kishi halok bo‘ldi.

Foto: AP Photo

Xitoyning Sujchou shahrida koronavirus xavfi tufayli 14 kun karantinga olingan ayol Chen Yunpinni tibbiyot xodimlari tug‘ilgan kuni bilan tabrikladi.

Foto: Getty Images

Amerikalik dorboz va akrobat Nik Vallenda Nikaraguadagi Masaya vulqoni ustidan tortilgan 550 metrli dor yo‘lidan o‘tdi. Buning uchun unga 31 daqiqa kerak bo‘ldi. Akrobatning so‘zlariga ko‘ra, bu uning hayotidagi eng qo‘rqinchli tryuk bo‘lgan.

Foto: AFP

Moskvadagi “Savyolovskaya” metro bekati.

Foto: “TASS”

Shavkat Mirziyoyev Toshkentda Xotin-qizlar kuni munosabati bilan uyushtirilgan bayram tadbirida nuroniy ayolni bayram bilan tabriklamoqda.

Foto: Prezident matbuot xizmati

Masofadan turib boshqariluvchi kichik avtomobil koronavirus o‘chog‘i hisoblangan Uxandagi turar joy majmuasi hovlisini dezinfeksiya qilmoqda.

Foto: Getty Images

Hindistonda nishonlanadigan Holi bo‘yoqlar festivali.

Foto: “TASS”

Qochoqlar Turkiya—Gretsiya chegarasi yaqinidagi bozorda dam olmoqda.

Foto: EPA

Odatda turistlarga to‘la bo‘lgan Venetsiyadagi Grand kanal bo‘shab qoldi. Italiya hukumati koronavirus sabab 15-martgacha maktab va universitetlarni yopdi.

Foto: AFP

Alyaskaning Ankorij shahrida o‘tkazilayotgan it qo‘shilgan chanalar musobaqasida ishtirok etayotgan Aliks Krittendenning itlari.

Foto: Getty Images

G‘azo sektorida qochoqlar lageridagi novvoyxonada chiqqan yong‘in oqibatida halok bo‘lganlarning dafn marosimi. Yong‘in oqibatida 9 kishi halok bo‘ldi, ulardan 4 nafari bolalar, 3 nafari esa ayollardir.

Foto: Getty Images

Shanxayda niqob taqqan balet raqqosalari iyun oyidagi gastrolga tayyorgarlik ko‘rmoqda.

Foto: Getty Images

Nepal politsiyasi tonggi patrullik vaqtida xantal dalasi orasidan o‘tmoqda.

Foto: AP Photo

Nyu-York shtatida Eri ko‘lining to‘lqinlari va kuchli shamollar tufayli muz bilan qoplangan Guver plyajidagi uy.

Foto: AP Photo

Qarshi tumani hokimi etib tayinlangan Maqsuda Mustafoyevaga viloyat Mahalla va oila masalalari boshqarmasi boshlig‘i o‘rinbosari Yanvar Inoyatov, Qashqadaryo viloyati hokimi Zoir Mirzayev, Prezident maslahatchisi Sherzod Kudbiyev oq fotiha bermoqda.

Foto: Qashqadaryo viloyati hokimligi axborot xizmati

Himoya niqobidagi yo‘lovchi Kuala-Lumpurdagi temiryo‘l bekatida poyezd kelishini kutmoqda.

Foto: Reuters

Ko‘rshapalaklarni haydayotgan myanmalik ayol.

Foto: Getty Images

Dakar shahrida joylashgan masjiddagi senegallik musulmonlar.

Foto: AFP