Samarqandda istirohat bog‘idagi cho‘milish havzasini ta’mirlash vaqtida ikki tup chinorni kestirib tashlagan kompaniya rahbari salkam 45 million so‘m jarimaga tortilishi mumkin, deya xabar bermoqda “Daryo” muxbiri.
Ma’lum bo‘lishicha, O‘zbekiston Madaniyat vazirligi bilan tuzilgan shartnomaga muvofiq, Malaxit Plus kompaniyasi Samarqand shahridagi Alisher Navoiy nomidagi madaniyat va istirohat bog‘ida joylashgan “Afsona” cho‘milish havzasini qayta ta’mirlash va zamonaviy jihozlash ishlarini bajarishga kirishgan.
Qurilish-ta’mirlash ishlari jarayonida 21-mart kuni Malaxit Plus kompaniyasi rahbari buyrug‘i bilan diametri mos ravishda 40 va 60 santimetr bo‘lgan ikki tup chinor daraxti noqonuniy ravishda kesib tashlangan. Bu bilan qurilish tashkiloti o‘simlik dunyosiga 44 million 600 ming so‘mlik zarar yetkazgan.
“Ekologiya va atrof-muhitni muhofaza qilish boshqarmasi mutaxassislari holat yuzasidan ma’muriy bayonnoma rasmiylashtirdi va Samarqand shahar ma’muriy sudiga taqdim qildi. Korxona rahbarining aybi isbotlansa, u 44,6 million so‘m jarima to‘laydi”, — deydi boshqarma matbuot kotibi Sanjar Sa’dullayev.
Mavzuga doir:
- Bekobodda daraxtlar kesilishiga yo‘l qo‘yib o‘simlik dunyosiga bir milliard so‘mdan ortiq zarar yetkazilgani aniqlandi
- Qarshida mevali daraxtlar kesilib, bog‘ payhon qilinmoqda. Tirikchiligi bog‘dan o‘tayotgan 150 ta xonadon vakillari tashvishda
- O‘zbekistonda 2019-yilda noqonuniy daraxt kesish holatlari qanchaga kamaygani ma’lum qilindi
Izoh (0)