Самарқандда истироҳат боғидаги чўмилиш ҳавзасини таъмирлаш вақтида икки туп чинорни кестириб ташлаган компания раҳбари салкам 45 миллион сўм жаримага тортилиши мумкин, дея хабар бермоқда «Дарё» мухбири.
Маълум бўлишича, Ўзбекистон Маданият вазирлиги билан тузилган шартномага мувофиқ, Malaxit Plus компанияси Самарқанд шаҳридаги Алишер Навоий номидаги маданият ва истироҳат боғида жойлашган «Афсона» чўмилиш ҳавзасини қайта таъмирлаш ва замонавий жиҳозлаш ишларини бажаришга киришган.
Қурилиш-таъмирлаш ишлари жараёнида 21 март куни Malaxit Plus компанияси раҳбари буйруғи билан диаметри мос равишда 40 ва 60 сантиметр бўлган икки туп чинор дарахти ноқонуний равишда кесиб ташланган. Бу билан қурилиш ташкилоти ўсимлик дунёсига 44 миллион 600 минг сўмлик зарар етказган.
«Экология ва атроф-муҳитни муҳофаза қилиш бошқармаси мутахассислари ҳолат юзасидан маъмурий баённома расмийлаштирди ва Самарқанд шаҳар маъмурий судига тақдим қилди. Корхона раҳбарининг айби исботланса, у 44,6 миллион сўм жарима тўлайди», — дейди бошқарма матбуот котиби Санжар Саъдуллаев.
Мавзуга доир:
- Бекободда дарахтлар кесилишига йўл қўйиб ўсимлик дунёсига бир миллиард сўмдан ортиқ зарар етказилгани аниқланди
- Қаршида мевали дарахтлар кесилиб, боғ пайҳон қилинмоқда. Тирикчилиги боғдан ўтаётган 150 та хонадон вакиллари ташвишда
- Ўзбекистонда 2019 йилда ноқонуний дарахт кесиш ҳолатлари қанчага камайгани маълум қилинди
Изоҳ (0)