Davlat soliq qo‘mitasi matbuot xizmati 19-mart, payshanba kuni, O‘zbekistonda koronavirus tarqalishining oldini olish bo‘yicha respublika maxsus komissiyasining navbatdagi yig‘ilishi bo‘lib o‘tgani haqida xabar berdi.
Yig‘ilishida 19-martdan boshlab butun O‘zbekiston bo‘ylab:
- massaj salonlari;
- diskotekalar, diskobarlar;
- bolalar o‘yin zallarining faoliyatini to‘xtatishga qaror qilindi.
Ushbu qaror ijrosi Davlat soliq xizmati, ichki ishlar organlari va O‘zbekiston Respublikasi Milliy gvardiyasi tomonidan qat’iy nazorat qilinadi”, – deyiladi qo‘mita xabarida.
Avvalroq, Toshkent hayvonot bog‘i koronavirus sababli yopilgani haqida xabar berilgandi.
Ma’lumot uchun, O‘zbekistonda koronavirus infeksiyasini yuqtirib olganlar soni 23 nafarga yetdi.
Izoh (0)