“O‘zgidromet” xabariga ko‘ra, 13-mart kuni respublikaning shimoli-g‘arbiy tumanlari ustiga troposferadagi yuqori bosimli o‘rkach tarqaladi va juda iliq, kam bulutli va quruq ob-havoni yuzaga keltiradi.
Respublikaning katta qismida havo harorati 18—20 daraja iliq, cho‘l zonasida esa havo 21—23 daraja iliq bo‘ladi. Bu o‘rtacha ko‘p yillik harorat ko‘rsatkichlaridan 3—5 darajaga yuqoridir.
14—15-mart kunlari harorat yana ko‘tariladi va yakshanbaga kelib kechasi 9—12 daraja iliq, kunduzi 22—25 daraja iliq, mamlakat shimoli-g‘arbida esa 27—28 darajagacha yetadi, bu harorat iqlimiy me’yordan 5—8 darajaga yuqoridir.
Qayd etilishicha, bunday havo mart o‘rtasiga qaraganda ko‘proq aprel oyi oxiri uchun xos.
Izoh (0)