«Ўзгидромет» хабарига кўра, 13 март куни республиканинг шимоли-ғарбий туманлари устига тропосферадаги юқори босимли ўркач тарқалади ва жуда илиқ, кам булутли ва қуруқ об-ҳавони юзага келтиради.
Республиканинг катта қисмида ҳаво ҳарорати 18—20 даража илиқ, чўл зонасида эса ҳаво 21—23 даража илиқ бўлади. Бу ўртача кўп йиллик ҳарорат кўрсаткичларидан 3—5 даражага юқоридир.
14—15 март кунлари ҳарорат яна кўтарилади ва якшанбага келиб кечаси 9—12 даража илиқ, кундузи 22—25 даража илиқ, мамлакат шимоли-ғарбида эса 27—28 даражагача етади, бу ҳарорат иқлимий меъёрдан 5—8 даражага юқоридир.
Қайд этилишича, бундай ҳаво март ўртасига қараганда кўпроқ апрель ойи охири учун хос.
Изоҳ (0)