Dunyo

Koronavirus bo‘yicha majlis o‘tkazgan Mirziyoyev, 10 ming kishini boshpanasiz qoldirgan yong‘in, Fukusima fojiasining 9 yilligi. 11-mart suratlari

11-mart, chorshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.

Istanbulda avtobus dezinfeksiya qilinmoqda. Turkiyada koronavirus yuqtirib olish bilan bog‘liq birinchi holat qayd etildi.

Mavzuga doir: “Daryo” oqshomi: Xitoy koronavirusi bo‘yicha 11-martning asosiy xabarlari

Iordan daryosining g‘arbiy qirg‘og‘ida falastinlik namoyishchi Isroil harbiylari tomonidan otilgan ko‘zni yoshlantiruvchi gaz kanistrini qaytarib otib yubormoqda. 11-martdagi to‘qnashuvlar vaqtida Isroil harbiylari 15 yoshli falastinlik namoyishchini otib o‘ldirdi.

Tokioda sakura daraxti gullari ochilishni boshladi.

Talaba qiz Garvard universiteti yotoqxonasiga qutini olib kirib ketmoqda. Universitet rahbariyati bahorgi ta’tildan keyin talabalar universitet kampusiga qaytmasligi kerakligi, chunki o‘qish onlayn tarzda olib borilishini ma’lum qildi.

Mavzuga doir: Amerikada koronavirus bo‘yicha biznes-konferensiya koronavirus tufayli qoldirildi

Bangladesh poytaxti Dakkadagi xarobalarda yong‘in chiqdi. 150 nafar o‘t o‘chiruvchi 3 soat davomida yong‘inni bartaraf etishga urindi.

Bangladesh poytaxti Dakka xarobalarida yuz bergan yong‘in oqibatida kamida 10 ming odam boshpanasiz qoldi.

5 kishilik oila tirikchiligi uchun 2,5 million so‘mlik oylikni <a href= — 5 kishilik oila tirikchiligi uchun 2,5 million so‘mlik oylikni yetarli deb hisoblaydigan XDP raisi Ulug‘bek Inoyatov Oliy Majlis Qonunchilik palatasi yalpi majlisi boshlanishini kutib o‘tiribdi.

Koronavirus tufayli deyarli bo‘shab qolgan Venetsiyada gondolachi turistlarni poylamoqda.

Mavzuga doir: JSST koronavirusning pandemiya darajasiga yetganini ma’lum qildi

Vengriya poytaxti Budapeshtdagi hayvonot bog‘ida ayollar Zulu laqabli surikatni ko‘tarib turibdi.

Koronavirusdan himoyalanish uchun niqob taqqan odamlar Yaponiyaning Fukusima prefekturasida 2011-yil 11-mart kuni yuz bergan zilzila va sunami oqibatida vafot etganlarning xotirasiga hurmat ko‘rsatish maqsadida sham yoqmoqda.

Yaponiya politsiyasi 2011-yil 11-mart kuni Fukusimada yuz bergan zilzila va sunami oqibatida bedarak yo‘qolgan odamlarning jasadi qoldig‘ini qidirishda davom etmoqda.

Shavkat Mirziyoyev koronavirusga qarshi kurash bo‘yicha Sog‘liqni saqlash vazirligiga topshiriqlar berdi.

Mavzuga doir: O‘zbekistonda 1900 dan ortiq kishi koronavirus bo‘yicha tibbiy kuzatuvda turibdi. Mamlakatda shu kungacha koronavirus qayd etilmadi

Turkiyaning Gretsiya bilan chegarasida grek politsiyasi tomonidan otilgan ko‘zdan yosh oqizuvchi gazdan o‘g‘lining yuzini to‘sayotgan migrant.

Islomobodda Pokiston HHKning F-16 qiruvchi samolyoti halokatga uchradi. Hodisa oqibatida uchuvchi halok bo‘ldi. Samolyot 23-martda nishonlanadigan Pokiston kunidagi parad uchun repetitsiya olib borayotgan bo‘lgan.

Ruanda poytaxti Kigalidagi avtobus bekatida yo‘lovchilar koronavirusning oldini olishdagi ehtiyot chorasi sifatida qo‘lini yuvmoqda. Kigalidagi avtobus bekatlari, restoranlar, banklar va bozorlarga qo‘l yuvish uchun ko‘chma rakovinalar o‘rnatilmoqda. Mamlakatda hozircha koronavirus qayd etilmagan.

Mavzuga doir: Pentagon rahbari koronavirus tufayli O‘zbekistonga tashrifini bekor qildi

Meksika politsiyasi Guanaxuato shtatida Santa Roza de Lima karteliga qarshi operatsiya o‘tkazdi. Suratda to‘qnashuvlar vaqtida yoqib yuborilgan avtomobil.

Gretsiyada Tokio—2020 yozgi olimpiadasi mash’alasini yoqishning yakuniy repetitsiyasi o‘tkazildi. Koronavirus xavfi sabab Olimpiada o‘yinlari qoldirilishi mumkin. Bu haqdagi yakuniy qaror may oyida qabul qilinishi kutilmoqda.

Indoneziya poytaxtida motosikllarni ta’mirlash ustaxonasida mijoz poylayotgan ustalar.

Quddusda Purim bayramini nishonlash uchun yasanib olgan bolalar.

Filippin poytaxtidagi bozorda o‘t o‘chiruvchilar koronavirusning oldini olish maqsadida dezinfeksiyalovchi vositalarni sepmoqda.

Mavzuga doir: Tailand koronavirus sababli O‘zbekiston fuqarolari uchun viza berishni to‘xtatdi

Braziliyaning San-Paulu shtatida o‘rmonlar kesilishi va turar-joy majmuasi qurilishiga qarshi norozilik aksiyasi o‘tkazgan Guarani Mbya qabilasi vakillari politsiya bilan muzokara olib bormoqda.

Turkiya prezidenti Rajab Toyyib Erdo‘g‘on parlamentda hukmron (Adolat va Taraqqiyot) partiyasi a’zolari bilan salomlashmoqda. Erdo‘g‘on koronavirusdan himoyalanish uchun qo‘l siqishib ko‘rishishdan tiyilayotganini ma’lum qilgan.

Avvalgi kunlarning fotogalereyalari:

11.03.2020, 23:43 Izoh (0) 38849

Izoh (0)

Javob qoldiring

Mavzuga doir

Saudiya Arabistonining bayonotidan keyin neft narxi qariyb 4 foizga pasaydi

11.03.2020, 23:27

JSST koronavirusning pandemiya darajasiga yetganini ma’lum qildi

11.03.2020, 22:28

Kiyevda koronavirus sababli 12-martdan boshlab ommaviy tadbirlar taqiqlanadi, maktablar yopiladi

11.03.2020, 19:43

Xitoyning koronavirus tarqalish markazida karantin qisman yengillashtirildi

11.03.2020, 17:08

Video: Rossiyaning Tomsk viloyatida elektr mollari do‘koniga bolg‘a bilan kirgan erkak u yerda bir nechta televizorni sindirdi

11.03.2020, 14:42

Google koronavirus tufayli o‘z xodimlariga uydan ishlashni tavsiya qildi

11.03.2020, 14:26

Daryo.uz | Sizning muammoingiz yechimi

Mobiuz “MazzaFest”da yangi “Mazza” va “Mazza 2.0” tarif rejalarini taqdim etadi

Moliyaviy savodxonlik maktab ostonasidan boshlanadi

Parvoz — katta shahar xarakteriga ega qulay biznes-klass turar joy

Moliyaviy firibgarlik: murakkab sxemalar bo‘yicha sodda tushunchalar

OKMK 2,3 milliard dollar kredit mablag‘larini jalb qildi va 125 million dollar moliyaviy xarajatlarni iqtisod qildi

Siberian Wellness — O‘zbekistonda 15 yil

InfinBANK Global Money Week 2025 da ishtirok etdi

Uklonda taksi haydovchilari uchun katta tadbir o‘tkazildi!

UZCARD SHERDOR premium kartasi endi MKBANKda mavjud

CHERY bilan o‘z orzungizni amalga oshiring: barcha modellar uchun boshlang‘ich to‘lov pasaytirildi!

Coca-Cola 139 yillik ilhom, ajoyib kashfiyotlar, mashhur kampaniyalar va butun dunyo sevib qolgan ta’mni taqdim etmoqda

HONOR kompaniyasi HONOR 400 Lite smartfonini taqdim etdi. Qiziq, u nimasi bilan lol qoldira oladi?

Ziffler‘dan katta taqdimot: yangi qiyofa, zamonaviy dizayn va aqlli maishiy texnikalar

Silk Avia Shahrisabzga ko‘proq parvoz qiladi

Kapitalbank 2024-yilgi Brand Awards International mukofotiga sazovor bo‘ldi