Yevropa Ligasi yarim final javob bahslari yakunlandi. Unda “Budyo/Glimt” — “Tottenhem” hamda “Manchester Yunayted” — “Atletik” jamoalari final yo‘llanmasiga ega chiqish uchun kurash olib bordi.
Manchesterdagi bahsda mezbonlar yana yirik hisobda g‘alaba qozondi. Dastlab, ispan klubi hisobni ochishni uddalagan bo‘lsa-da, Ruben Amorim shogirdlari 4 gol bilan javob qaytardi. Umumiy 7:1 hisobida g‘alaba qozongan mankunianliklar final chiptasini qo‘lga kiritdi.
Ikkinchi bahs Norvegiyada bo‘lib o‘tdi. Budyo shahriga safar uyushtirgan “Tottenhem” ikkinchi bahsda ham g‘alaba qozondi.
Uchrashuvdagi gollarga Solanke va Pedro Porro mualliflik qildi. Ikki o‘yin natijasiga ko‘ra, umumiy 5:1 hisobida g‘alaba qozongan “shporlar” Yevropa Ligasining ikkinchi finalchisiga aylandi.
“Tottenhem” — “Manchester Yunayted” o‘rtasidagi hal qiluvchi bahs 21-may oqshomida Bilbaodagi “San Mames” stadionida bo‘lib o‘tadi.
Yevropa Ligasi
Yarim final, javob bahslari
8-may, payshanba
“Manchester Yunayted” — “Atletik” 4:1 (birinchi uchrashuv 3:0)
Gollar: 0:1 — Mikel (31), 1:1 — Maunt (72), 2:1 — Kazemiro (80), 3:1 — Hoylund (85), 4:1 — Maunt (90+1).
“Budyo/Glimt” — “Tottenhem” 0:2 (birinchi uchrashuv 1:3)
Gollar: 0:1 — Solanke (63), 0:2 — Porro (69).
Izoh (0)