Dunyo

Koronavirus o‘chog‘iga borgan Xitoy rahbari, Putinga “yo‘q” degan ruslar, “dushman”ga otilgan it. 10-mart suratlari

11.03.2020, 00:50 68223

10-mart, seshanba kuni, dunyoning turli burchaklarida olingan eng qiziqarli suratlar jamlanmasini taqdim etamiz.

Xitoy raisi Si Szinpin COVID-19 epidemiyasi bilan kurashish bo‘yicha olib borilayotgan ishlarni tekshirish uchun koronavirus o‘chog‘i hisoblangan Uxan shahriga keldi.

Mavzuga doir: “Daryo” oqshomi: Xitoy koronavirusi bo‘yicha 10-martning asosiy xabarlari

Rossiyadagi “Yabloko” partiyasi vakillari Davlat Dumasi binosi oldida Konstitutsiyaga o‘zgartirishlar kiritilishiga qarshi piket o‘tkazdi.

Moskvadagi knyaz Vladimir yodgorligi oldida Vladimir Putinning yana prezident etib saylanishiga imkon beradigan Rossiya Konstitutsiyasiga kiritilayotgan o‘zgarishlarga qarshi norozilik aksiyasi o‘tkazildi.

Yaponiya politsiyasi 2011-yil 11-martda yuz bergan zilzila va sunami oqibatida bedarak yo‘qolgan odamlarning jasadlarini qidirishda davom etmoqda.

Hindiston poytaxti Dehlida ofis binosiga kelgan erkakning haroratini qorovul infraqizil termometr yordamida o‘lchamoqda.

Mavzuga doir: Singapurlik shifokorlar koronavirusning yangi belgilarini ma’lum qildi

Gretsiyaning Lesbos orolidagi qochoqlar lageri yaqinida sochilib yotgan oyoq kiyimlar ustidan yurib borayotgan bolakay.

AOKAda O‘zbekistonda koronavirus infeksiyasining profilaktikasi va uning kirib kelishining oldini olish masalalariga bag‘ishlangan matbuot anjumaniga kelgan jurnalistlar.

Mavzuga doir: Alisher Shodmonov O‘zbekistonda koronavirusni yashirish imkonsizligini aytdi

Hindistonning Ahmadobod shahrida o‘tkazilgan Holi bayramida ishtirok etayotgan odamlar.

Shimoliy Koreya noma’lum joyda o‘z qurollarini sinovdan o‘tkazdi.

Tailand poytaxti Bangkokda jamoat transportida niqob taqib ketayotgan ayollar.

Avstraliyada Melburn moda festivali boshlandi.

Bortida koronavirus aniqlangan Grand Princess kruiz layneri San-Fransiskodagi Oltin darvoza ko‘prigi ostidan o‘tmoqda.

Braziliyaning San-Paulu shtatida qabila vakillari o‘rmonlar kesilishi va ular yashaydigan yerlar yaqinida turar-joy majmuasi qurilishiga qarshi norozilik bildirdi.

AQSh prezidenti Donald Tramp Florida shtatidagi Orlando Sanford xalqaro aeroportida Birinchi raqamli bortga chiqmoqda.

Milandagi San-Vittore qamoqxonasida isyon ko‘targan mahbuslar qamoqxona tomiga chiqib olgan. Italiya hukumati koronavirusning oldini olish uchun mahbuslarning oila a’zolari bilan uchrashuvlarini taqiqlab qo‘ygach, mamlakatdagi bir necha qamoqxonalarda isyon boshlandi.

Mavzuga doir: Italiyada barcha ommaviy tadbirlar bekor qilinib, fuqarolarga uydan chiqmaslik tavsiya etildi

O‘zbekiston IIV Tezkor vazifalarni bajaruvchi safarbarlik otryadi xodimi Yashnobod tumanidagi 30-sonli mehribonlik uyidagi chiqishida. It egasiga o‘q uzgan “dushman”ni tishlamoqchi bo‘lgan vaziyat.

Londondagi Tate Modern galereyasida Endi Uorxolning ko‘rgazmasiga tayyorgarlik ishlari olib borilmoqda.

Isroilliklar bu yilgi Purim bayramini karnaval va tantanali yurishlarsiz nishonladi. Mamlakat Sog‘liqni saqlash vazirligi 5 mingdan ortiq kishi ishtirok etadigan barcha tadbirlarni bekor qildi.

Turkiyaning Bozorqal’a chegara punkti yaqinida Gretsiya chegarasini ochishini kutib, vaqtincha lager qurib olgan migrantlarning qizi.

Mumbaydagi Holi bayramida ayol kishiga turli ranglardan iborat kukun sepilmoqda.

Nyu-Yorkdagi Ozodlik haykali to‘lin oy fonida.

Avvalgi kunlarning fotogalereyalari: