Sudan bosh vaziri Abdulla Xamdok unga nisbatan uyushtirilgan suiqasdda omon qoldi. Bu haqda mamlakatning davlat televideniyesiga tayanib,“Interfaks” xabar berdi.
Ma’lum qilinishicha, bosh vazirning avtomobil korteji noma’lum shaxslar tomonidan o‘qqa tutilgan. Ayni paytda Xamdok xavfsiz joyga joylashtirilgan, surishtiruv ishlari boshlangan.
“RIA Novosti”ning yozishicha, bosh vazir korteji o‘tayotgan yo‘ldagi ko‘priklardan biriga o‘rnatilgan portlovchi qurilma portlagan, shundan so‘ng kortej o‘qqa tutilgan. Bosh vazirga hamrohlik qiluvchilardan bir kishi yengil jarohat olgan.
Izoh (0)