Xitoy koronavirusi eng kamida joriy yilning iyun oyiga qadar tarqalishda davom etadi. Bu haqda Xitoy sog‘liqni saqlash ishlari bo‘yicha davlat qo‘mitasi epidemiyaga qarshi kurashish bo‘yicha maxsus komissiya rahbari Chjun Nanshan tomonidan e’lon qilindi, deb yozadi “RBK”.
Mutaxassisning so‘zlariga ko‘ra, virus tarqalishining oldini olish uchun chegaralarda sanitar nazoratni kuchaytirish hamda epidemiya tarqalgan xorijiy mamlakatlardan kirib kelayotganlar uchun qat’iy karantin siyosatini belgilash zarur.
Avvalroq Uxandagi 14 ta vaqtinchalik gospitalning 11 tasi aksariyat bemorlar tuzalib, uyiga javob berilgani uchun yopilgani haqida xabar berilgan edi.
Xitoyda epidemiya boshlaganidan buyon koronavirusga chalinganlarning umumiy soni 80 735 kishiga yetgan. Jami 58,6 ming bemor tuzalgani aytilmoqda. Dunyo bo‘ylab koronavirus infeksiyasi kirib borgan mamlakatlar soni 100 dan oshib ketdi.
Mavzuga doir:
Izoh (0)