Qorsiz qish — qish emas. Texnologiyalar orqali, joylarni sun’iy qor bilan qoplash imkoniyati mavjud bo‘lsa ham, ona tabiatning tabiiy mo‘jizasichalik mukammal bo‘lmaydi. Bu yilgi qish mavsumi boshqa mamlakatlar qatori Toshkentda ham deyarli qorsiz o‘tdi. Chang‘i uchish, qorbobo yasash qishga begonadek tasavvur uyg‘ondi, odamda.
Toshkentdagi o‘rindiq ustidagi qor quyosh nurida erib ketmoqda.Foto: “Daryo”
The Guardian nashri qorsiz o‘tgan qish manzaralari aks etgan, qishki tog‘-chang‘i kurortlar suratlarini e’lon qildi. Unda qishki mavsumda turistlar bilan gavjum bo‘ladigan markazlar odatdagidan o‘zgacha manzara kasb etganini ko‘rish mumkin.
Shotlandiyadagi Lext tog‘-chang‘i markaziga qor yo‘qligi sababli odamlar kelmay qo‘ydi.Foto: Alamy
Ispaniyada joylashgan Syerra-Nevada chang‘i kurorti tabiiy qorning yetishmasligi sabab maxsus zambarak yordamida sun’iy qor bilan to‘ldirilgan.Foto: Alamy
Fransiyadagi Luchon-Superbanyer chang‘i kurortini qor bilan qoplash uchun vertolyotlardan foydalandi.Foto: AFP
Fransiyadagi Luchon-Superbanyer chang‘i kurortiga vertolyot yordamida keltirilgan qorlarni tushirayotgan ikki ishchi.Foto: AFP
Fransiyadagi Luchon-Superbanyer chang‘i kurorti tashrifchilari qiyalik bo‘ylab chang‘i uchishga tayyorgarlik ko‘rmoqda.Foto: AFP
Qorsiz qolgan Germaniyadagi Alpshpitsban tog‘-chang‘i kurorti.Foto: Alamy
Germaniyadagi Obervizental chang‘i markazining tungi manzarasi. Qor yo‘qligi tufayli sun’iy qor bilan ta’minlaydigan maxsus zambaraklar erta-yu kech ishlaydi.Foto: DPA
Qor yo‘qligi sababli yopilgan Fransiyadagi Le Murti tog‘-chang‘i kurortidagi dor yo‘li o‘rindiqlarida o‘tirgan odamlar.Foto: Reuters
Germaniyadagi Garmish-Partenkirxen tog‘-chang‘i kurorti yo‘li sun’iy qor bilan qoplangan.Foto: EPA
Germaniyadagi Garmish-Partenkirxen tog‘-chang‘i kurortida qor yo‘qligidan suratdagi erkak chang‘ida o‘tirgan ikki bolani quruq yerda sudrab olib ketmoqda.Foto: EPA
Germaniyaning Titizee-Noyshtadt shahridagi tog‘-chang‘i kurortidagi sun’iy qor bilan qoplangan qiyalik.Foto: DPA
Germaniyaning Villingen qishki sport kurortida yozgi attraksionda chana uchayotgan erkak. Qishga xos bo‘lmagan iliq havo tufayli yozgi attraksion qishda ham yopilmagan.Foto: DPA
Shveysariyadagi Lenserxayde qishlog‘ida sun’iy qor bilan qoplangan so‘qmoq.Foto: AP Photo
Shveysariya Alplaridagi Engelberg kurorti qor zambaraklari orqali sun’iy qor bilan qoplangan.Foto: Alamy
Avstriyadagi kurortda chang‘i uchayotgan dam oluvchilar.Foto: AFP
Norvegiyadagi sun’iy qor ustida mashg‘ulot o‘tkazayotgan chang‘ichilar.Foto: Reuters
Finlyandiyada sportchilar sun’iy qor ustida chang‘i uchmoqda.Foto: AP Photo
Polshada yanvar oyida olcha gulladi. Suratda yanvar oyi bo‘lishiga qaramay, olcha daraxti gullagani aks etganini ko‘rish mumkin. Havoning qishga xos bo‘lmagan ilishi aslida martning so‘ngida ochiladigan kurtaklarning muddatidan avval ochilishiga sabab bo‘ldi.Foto: EPA
Izoh (0)