Rossiyada Suriyadagi urushga jangarilar tayyorlagan qirg‘izistonlik qo‘lga olindi. U O‘zbekistonda qidiruvga berilgan shaxs bilan hamkorlik qilgan

Rossiya tergov qo‘mitasi terrorchilikka aloqador faoliyat bilan shug‘ullangan mehnat muhojirini qo‘lga tushirdi. U Suriyaga Istanbul orqali mablag‘ yuborishdan tashqari o‘z tanishlarini jangarilar safida urush olib borishga da’vat etganlikda gumon qilinmoqda. Bu haqda xabar tarqatgan “Fontanka” nashri gumonlanuvchining yaqin qarindoshlari Yaqin Sharqda halok bo‘lgani yoki qidiruvga berilganini aniqlagan.

Xabarga ko‘ra, 26-fevralda agregatorlardan birida taksi haydovchisi 38 yoshli Qosimovni hibsga olgan, Qirg‘iziston fuqarosi bo‘lgan gumondor RF Jinoyat kodeksining 205-moddasi “Terrorchilik faoliyatiga ko‘mak berganlik” aniqrog‘i Peterburgda yashovchi tanishlarini Suriyadagi jangarilar guruhlariga jalb etishga uringanlikda gumon qilinmoqda.

25-fevral kuni tongda Rossiya huquqni muhofaza qiluvchi organlari xodimlari tomonidan gumondorning ijaradagi uyi tekshirilgan. Uning “Zolotaya korona” to‘lov tizimi orqali bankda hisob raqami ochmasdan pul mablag‘larini Istanbulga yuborgani aniqlangan. Pullar Turkiya poytaxtidan naqd ko‘rinishda Suriyaga yuborilgan. Mablag‘ni olish va Suriyaga yuborish ishlarini O‘zbekiston hududida qidiruvga berilgan G‘oziyev degan shaxs amalga oshirgani ma’lum bo‘lgan.

Shuningdek, tergov ishi materiallarida Qosimovning vatandoshlaridan olingan ko‘rsatmalar yig‘ilgan. Ularga ko‘ra, Qosimov tanishlarini avval Turkiyaga so‘ngra u yerdan Suriyaga borishga va g‘oyalar uchun kurashishga chaqirgan.

Qosimov oila a’zolarining hammasi jangarilarga qo‘shilgan yoki ularni qo‘llab-quvvatlab keladi. Gumondorning onasi Turkiyadan Qirg‘zistonga deportatsiya qilingan va u yerda ikki yilga qamalgan. Akasi 2014-yilda Suriyadagi urushga ketib u yerda halok bo‘lgan, singlisi esa jangarilar guruhiga aloqador deb gumon qilinib qidiruvga berilgan.