Xalqaro futbol federatsiyalari (FIFA) prezidenti Janni Infantino koronavirus tarqalishi sababli mart oyidagi xalqaro uchrashuvlarning bo‘sh tribunalarda o‘tishi mumkinligini istisno qilmadi.
Avvalroq Italiya A Seriyasining 25-turidan o‘rin olgan beshta o‘yin mamlakatda tarqalgan koronavirus sababli boshqa muddatga ko‘chirilgani to‘g‘risida xabar berilgandi.
28-fevral, juma kuni Shveysariya chempionatining 24-turidan o‘rin olgan barcha bellashuvlar noma’lum muddatga qoldirilgan, Xalqaro professional futbolchilar assotsiatsiyalari federatsiyasi (FIFPro) o‘z saytida koronavirusga qarshi kurashishda bu kabi ehtiyot choralarini, jumladan, Tokio shahri mezbonlik qiluvchi Olimpiada o‘yinlari—2020 hamda Qatar mamlakatida bo‘lib o‘tadigan JCh—2022 saralash bahslari kabi xalqaro uchrashuvlarning boshqa muddatga qoldirilishi ehtimolini qo‘llab-quvvatlashini ma’lum qilgandi.
“Men bu onda hech nimani istisno qilmoqchi emasman. Umid qilamanki, ushbu yo‘nalishda (bo‘sh tribunalarda o‘ynash) harakatlanishimizga to‘g‘ri kelmaydi.
Biz virusning tarqalishini noto‘g‘ri baholab, hech qanday qo‘rquvga asos yo‘q demasligimiz kerak, shu bilan birga vaziyatga chuqur yondashib asossiz vahima uyg‘otmasligimiz ham lozim”, — deya Infantinoning so‘zlarini keltiradi Associated Press .
Eslatib o‘tamiz, joriy yilning mart oyida o‘rtoqlik bahslaridan tashqari Yevro—2020 musobaqasining final qismida ishtirok etuvchi so‘nggi jamoalarni aniqlab beruvchi saralashning o‘tish o‘yinlari bo‘lib o‘tadi.
Mavzuga doir:
- Koronavirus sabab “Bavariya” futbolchilariga muxlislar bilan suratga tushish taqiqlandi
- Qozog‘iston sportchilarining chet elga chiqishi nazorat ostiga olinadi
- Tokio—2020 Olimpiadasi koronavirus sabab qoldirilmaydi
- Tokio—2020 Olimpiadasi koronavirus sabab bekor qilinishi mumkin
- Koronavirus tufayli Yevro—2020 musobaqasi bekor qilinishi mumkin
Izoh (0)