Халқаро футбол федерациялари (ФИФА) президенти Жанни Инфантино коронавирус тарқалиши сабабли март ойидаги халқаро учрашувларнинг бўш трибуналарда ўтиши мумкинлигини истисно қилмади.
Аввалроқ Италия А Сериясининг 25-туридан ўрин олган бешта ўйин мамлакатда тарқалган коронавирус сабабли бошқа муддатга кўчирилгани тўғрисида хабар берилганди.
28 февраль, жума куни Швейцария чемпионатининг 24-туридан ўрин олган барча беллашувлар номаълум муддатга қолдирилган, Халқаро профессионал футболчилар ассоциациялари федерацияси (FIFPro) ўз сайтида коронавирусга қарши курашишда бу каби эҳтиёт чораларини, жумладан, Токио шаҳри мезбонлик қилувчи Олимпиада ўйинлари—2020 ҳамда Қатар мамлакатида бўлиб ўтадиган ЖЧ—2022 саралаш баҳслари каби халқаро учрашувларнинг бошқа муддатга қолдирилиши эҳтимолини қўллаб-қувватлашини маълум қилганди.
«Мен бу онда ҳеч нимани истисно қилмоқчи эмасман. Умид қиламанки, ушбу йўналишда (бўш трибуналарда ўйнаш) ҳаракатланишимизга тўғри келмайди.
Биз вируснинг тарқалишини нотўғри баҳолаб, ҳеч қандай қўрқувга асос йўқ демаслигимиз керак, шу билан бирга вазиятга чуқур ёндашиб асоссиз ваҳима уйғотмаслигимиз ҳам лозим», — дея Инфантинонинг сўзларини келтиради Associated Press .
Эслатиб ўтамиз, жорий йилнинг март ойида ўртоқлик баҳсларидан ташқари Евро—2020 мусобақасининг финал қисмида иштирок этувчи сўнгги жамоаларни аниқлаб берувчи саралашнинг ўтиш ўйинлари бўлиб ўтади.
Мавзуга доир:
- Коронавирус сабаб «Бавария» футболчиларига мухлислар билан суратга тушиш тақиқланди
- Қозоғистон спортчиларининг чет элга чиқиши назорат остига олинади
- Токио—2020 Олимпиадаси коронавирус сабаб қолдирилмайди
- Токио—2020 Олимпиадаси коронавирус сабаб бекор қилиниши мумкин
- Коронавирус туфайли Евро—2020 мусобақаси бекор қилиниши мумкин
Изоҳ (0)