Vokzal yaqinidagi hokimiyatga qarashli maydonlar aeroportlarga beriladi

O‘zbekistonda vokazal yaqinidagi maydonlar, shu jumladan,  hokimliklarga qarashli avtoturargohlar aeroportlar tasarrufiga o‘tkaziladi.

“Gazeta.uz”ning xabar berishicha, bu haqda transport vazirining birinchi o‘rinbosari Ilhom Mahkamov 19-fevral, chorshanba kuni, Toshkentda bo‘lib o‘tgan Uzbekistan Airports, Aviation & Logistics Forum xalqaro aviatsiya forumidagi nutqida ma’lum qildi.

Vazir birinchi o‘rinbosarining ta’kidlashicha, bunday chora aeroportlar daromadini oshirishga yordam beradi. Bundan tashqari, hududlardagi aeroportlarni bog‘lovchi avtobus yo‘nalishlari tashkil qilish rejalashtirilmoqda.

Vokzal qarshisidagi maydonlarni aeroportlar ixtiyoriga o‘tkazish bilan aeroportning yo‘lovchilar chiqish joylarida kirakashlarning to‘planishi muammosini hal qilish vazifasi mas’uliyati O‘zbekiston aeroportlariga berilishi kutilmoqda.

Qayd etilishicha, ushbu muammo ilgari davlat organlari o‘rtasida muvofiqlashtirilmaganligi sababli to‘liq hal etilmagan.

“Muammoning borligini hamma tan oladi, lekin bir-biriga to‘nkaydi. Aeroportda ular panjara ortidagi joy “ularnikisi emas”ligini aytsa, IIV kirakashlar bilan ular shug‘ullanmasligini ta’kidlaydi. Hokimiyatda esa bu ish bilan soliq idoralari shug‘ullanishi bildiriladi. Shu sababli muammoni bir yo‘la to‘laqonli hal etish uchun o‘zaro muvofiqlik va reja zarur”, — deya jurnalist Nikita Makarenko so‘zlaridan iqtibos keltirmoqda “Gazeta.uz”.