Ўзбекистонда воказал яқинидаги майдонлар, шу жумладан, ҳокимликларга қарашли автотураргоҳлар аэропортлар тасарруфига ўтказилади.
«Gazeta.uz»нинг хабар беришича, бу ҳақда транспорт вазирининг биринчи ўринбосари Илҳом Маҳкамов 19 февраль, чоршанба куни, Тошкентда бўлиб ўтган Uzbekistan Airports, Aviation & Logistics Forum халқаро авиация форумидаги нутқида маълум қилди.
Вазир биринчи ўринбосарининг таъкидлашича, бундай чора аэропортлар даромадини оширишга ёрдам беради. Бундан ташқари, ҳудудлардаги аэропортларни боғловчи автобус йўналишлари ташкил қилиш режалаштирилмоқда.
Вокзал қаршисидаги майдонларни аэропортлар ихтиёрига ўтказиш билан аэропортнинг йўловчилар чиқиш жойларида киракашларнинг тўпланиши муаммосини ҳал қилиш вазифаси масъулияти Ўзбекистон аэропортларига берилиши кутилмоқда.
Қайд этилишича, ушбу муаммо илгари давлат органлари ўртасида мувофиқлаштирилмаганлиги сабабли тўлиқ ҳал этилмаган.
«Муаммонинг борлигини ҳамма тан олади, лекин бир-бирига тўнкайди. Аэропортда улар панжара ортидаги жой «уларникиси эмас»лигини айтса, ИИВ киракашлар билан улар шуғулланмаслигини таъкидлайди. Ҳокимиятда эса бу иш билан солиқ идоралари шуғулланиши билдирилади. Шу сабабли муаммони бир йўла тўлақонли ҳал этиш учун ўзаро мувофиқлик ва режа зарур», — дея журналист Никита Макаренко сўзларидан иқтибос келтирмоқда «Gazeta.uz».
Изоҳ (0)