Futbol bo‘yicha Germaniya chempionatining 22-turida “Bavariya” 16-fevral, yakshanba kuni “Kyoln” mehmoni bo‘ldi va safardan yirik g‘alaba bilan qaytdi.
Uchrashuvning 12-daqiqasiga qadar myunxenliklar Robert Levandovski (3), Kingsli Koman (5) va Serj Gnabrining (12) gollari evaziga hisobni yirik ko‘rinishga olib keldi.
66-daqiqada Gnabri dubl qayd etgan holda mehmonlarning to‘rtinchi golini urdi. Mezbonlar bunga Mark Utning 70-daqiqadagi goli bilan javob qaytardi.
Mazkur g‘alabadan keyin “Bavariya” 46 ochko bilan birinchi o‘ringa qaytdi.
Bundesliga
22-tur bahsi
16-fevral, yakshanba
“Kyoln” — “Bavariya” 1:4
Gollar: 0:1 — 3 Levandovski, 0:2 — 5 Koman, 0:3 — 12 Gnabri, 0:4 — 66 Gnabri, 1:4 — 70 Ut.“Kyoln”: Horn, Yakobs (Shmits, 72), Katterbax (Kayns, 29), Bornauv, Hektor, Dreksler, Sxiri, Chixos, Exizibue, Kordoba (Modest, 81), Ut.
“Bavariya”: Noyer, Alaba, Boateng (Lyuka Ernandes, 46), Pavar, Kimmix (Tolisso, 59), Gnabri, Devis, Alkantara, Koman (Goretska, 79), Levandovski, Myuller.
Ogohlantirishlar: Boateng (28), Alkantara (49), Bornauv (79), Pavar (82).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)