Italiya chempionatining 24-turidan o‘rin olgan 16-fevral, yakshanba kungi bir qator uchrashuvlar yakunlandi.
Turinning “Yuventus” klubi “Breshiya”ni qabul qildi va ishonchli g‘alabani qo‘lga kiritdi. Uchrashuvning 37-daqiqasida mehmonlar bir o‘yinchi kam bo‘lib qoldi, 38-daqiqada esa Paulo Dibala jarima zarbasini golga aylantirgan holda maydon egalarini oldinga olib chiqdi. 75-daqiqada Xuan Kuadrado ikkinchi golni urdi.
Shu tariqa Mauritsio Sarri shogirdlari ochkolarini 57 taga yetkazib olgan holda birinchi o‘ringa ko‘tarildi. “Breshiya” (16) esa 19-pog‘onada bormoqda.
A Seriya
24-tur bahslari
16-fevral, yakshanba
“Yuventus” — “Breshiya” 2:0
Gollar: 1:0 — 38 Dibala, 2:0 — 75 Kuadrado.“Yuventus”: Shensni, Aleks Sandro, Danilo, Rugani, Bonuchchi (Kyellini, 78), Bentankur, Rabyo, Remzi (Pyanich, 66; Matyuidi, 73), Kuadrado, Dibala, Iguain.
“Breshiya”: Alfonso (Andrenachchi, 10), Mateyu, Chanselor, Martella, Sabelli, Zmrgal (Skrabb, 90), Byarnason (Ndoy, 80), Dessena, Bizoli, Aye, Balotelli.
Ogohlantirishlar: Bonuchchi (19), Aye (33), Iguain (43), Bentankur (64).
Chetlatish: Aye (37).
“Udineze” — “Verona” 0:0
“Sampdoriya” — “Fiorentina” 1:5
Gollar: 0:1 — 8, avtogol Torsbyu, 0:2 — 18, penalti Vlaxovich, 0:3 — 40, penalti Kyeza, 0:4 — 57 Vlaxovich, 0:5 — 78 Kyeza, 1:5 — 90 Gabbyadini.“Sassuolo” — “Parma” 0:1
Gol: 0:1 — 25 Jervinyo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)