Mo‘g‘uliston prezidenti Xaltmaagiyn Battulga milliy bayram Sagan Sarni (Oy kalendari bo‘yicha mo‘g‘ulcha Yangi yil) nishonlash bilan bog‘liq barcha ommaviy tadbirlarni taqiqladi. Bu chora koronavirus tarqalishining oldini olish maqsadida qabul qilingan. Bu haqda “RIA Novosti” xabar berdi.
Prezident tomonidan imzolangan hujjatga ko‘ra, koronavirusning dunyoning ko‘plab mamlakatlarida va qo‘shni Xitoyda tarqalganini hisobga olgan holda, Sagan Sar bayramini nishonlash bilan bog‘liq barcha ommaviy tadbirlar bekor qilinadi.
Zudlik bilan ko‘rilishi kerak bo‘lgan choralar qatoridan bayram yarmarkalarining yopilishi, shuningdek, tele va radioefirdan bayram bilan bog‘liq tabrik va reklama roliklarining olib tashlanishi o‘rin olgan. Joriy yilda mazkur bayram 23-fevraldan 24-fevralga o‘tar kechasi nishonlanadi.
Ma’lumot uchun, Xitoy Sog‘liqni saqlash davlat komissiyasi mamlakatda COVID-19 koronavirusi oqibatida vafot etganlar soni 1113 kishiga yetgani haqida xabar berdi. Xitoy bo‘ylab virusni yuqtirib olganlar soni 44 653 kishini tashkil etmoqda, shu kunga qadar ularning 4740 nafari davolangan, 8204 odam og‘ir ahvolda, kasallar bilan aloqda bo‘lgan yana 185 ming kishi nazorat ostiga olingan.
Mavzuga doir: Uxandagi kasalxona hamshiralari koronavirusdan davolanayotgan bemorlar uchun ommaviy raqs uyushtirdi (video)
Izoh (0)