“Paxtakor” klubi Osiyo Chempionlar Ligasining 1-turida BAAning “Shabob al-Ahli” jamoasini mag‘lubiyatga uchratdi (2:1).
Bu orqali “sherlar” Chempionlar Ligasi final bosqichida uy uchrashuvlaridagi mag‘lubiyatsiz seriyasini yettita o‘yinga yetkazdi. So‘nggi bor “Paxtakor” OChL doirasidagi uy o‘yinida 2015-yilning may oyida BAAning “Ash-Shabob” jamoasiga mag‘lub bo‘lgandi (0:2).
Shundan keyin jamoa 2016 va 2019-yilda musobaqaning guruh bosqichida qatnashdi. “Paxtakor” ushbu yillarda garchi o‘z uyida mag‘lub bo‘lmasa-da keyingi bosqichga yo‘l ola bilmagan.
Toshkent klubi “Shabob al-Ahli” bilan uchrashuvga qadar “Persepolis” (1:0), “As-Sadd” (2:2), “Al-Ahli Jidda” (1:0), “Al-Jazira” (3:0), “Traktorsozi” (1:0) va “Al-Hilol” (2:2) kabi jamoalar bilan bahs olib borgan hamda ularda mag‘lub bo‘lmagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)