O‘zbekistonlik futbolchi Oston O‘runov faoliyatini Rossiyaning “Ufa” jamoasida davom ettiradi.
Rossiyaliklar klubi rasmiy saytining ma’lum qilishicha, O‘runov “Ufa” bilan uzoq yillik shartnoma imzolagan.
Ma’lumot uchun, 19 yoshli futbolchi “Paxtakor” tarbiyalanuvchisi hisoblanib, 2017—2019-yillar mobaynida “Navbahor”da to‘p surgan. O‘tgan mavsumni esa “Lokomotiv”da o‘tkazdi.
Oston 2018-yilda O‘zbekiston Superligasining eng yaxshi yosh o‘yinchisi nomiga loyiq ko‘rilgandi. Shuningdek, u 2019-yilda O‘zbekiston terma jamoasi safida debyut qilgan.
Transfermarkt ma’lumotlariga ko‘ra, O‘runovning narxi 1 million yevroga teng.
“Ufa” Rossiya Premyer Ligasining joriy mavsumi birinchi davrasidan so‘ng 25 ochko bilan 7-o‘rinda ketmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)